విజయవాడకు నూతన గవర్నర్..స్వాగతం పలికిన సీఎం

రాష్ట్ర నూతన గవర్నర్​ బిశ్వభూషణ్​ హరిచందన్ ప్రమాణ స్వీకారం రేపు జరగనుంది. గన్నవరం విమానాశ్రయానికి చేరుకున్న ఆయనకు సీఎం జగన్ స్వాగతం పలికారు. అనంతరం గవర్నర్ దుర్గమ్మను దర్శించుకున్నారు.

రాష్ట్ర నూతన గవర్నర్​గా బిశ్వభూషణ్​ హరిచందన్ రేపు ప్రమాణ స్వీకారం చేయనున్నారు. గన్నవరం విమానాశ్రయంలో గవర్నర్ బిశ్వభూషణ్​ హరిచందన్​కు సీఎం జగన్‌, మంత్రులు సుచరిత, కొడాలి నాని, ఆదిమూలపు సురేష్, మోపిదేవి వెంకటరమణ, సీఎస్‌ ఎల్వీ సుబ్రహ్మణ్యం, డీజీపీ గౌతమ్ సవాంగ్, కలెక్టర్, సీపీ సాదర స్వాగతం పలికారు. అనంతరం గవర్నర్​ పోలీసుల గౌరవ వందనం స్వీకరించారు.

ఆ తర్వాత గవర్నర్ ఇంద్రకీలాద్రికి చేరుకుని దుర్గమ్మను దర్శించుకున్నారు. బిశ్వభూషణ్‌కు ఆలయ మర్యాదలతో మంత్రి వెల్లంపల్లి, దుర్గగుడి ఈవో, వేద పండితులు స్వాగతం పలికారు. దుర్గగుడి అంతరాలయంలో హరిచందన్ ప్రత్యేక పూజలు నిర్వహించారు. గవర్నర్​కు వేద పండితులు అమ్మవారి తీర్థ ప్రసాదాలు, ఆశీర్వచనం అందించారు.

ఇదీ చదవండి : రాజభవన్​లో ఏర్పాట్లు పూర్తి... రేపు ప్రమాణస్వీకారం