రికార్డు స్థాయిలో కరోనా కేసులు.. ఆ మూడు జిల్లాల్లోనే అధికం

రాష్ట్రంలో రోజురోజుకు కరోనా పెరిగిపోతోంది. రికార్డు స్థాయిలో కేసులు నమోదవుతున్నాయి. కొత్తగా 7,998 కరోనా కేసులు నమోదయ్యాయి.  మెుత్తం బాధితుల సంఖ్య 72,711కు చేరింది. వైరస్​ బారిన పడి మరో 61 మంది మృతి చెందగా... మెుత్తం మృతుల సంఖ్య 884కు చేరుకుంది. ఆస్పత్రుల్లో 34,272 మంది బాధితులు చికిత్స పొందుతున్నారు. కరోనా నుంచి కోలుకుని 37,555 మంది డిశ్ఛార్జి అయ్యారు. 24 గంటల వ్యవధిలో 58,052 కరోనా పరీక్షలు నిర్వహించారు. ఇప్పటివరకు రాష్ట్రంలో 14 లక్షల 93 వేల 879 మంది పరీక్షలు చేశారు.

కరోనాతో తూర్పుగోదావరిలో 14, గుంటూరు జిల్లాలో ఏడుగురు మృతి చెందగా... కర్నూలులో ఏడుగురు, కృష్ణా జిల్లాలో ఆరుగురు వైరస్​కు బలయ్యారు. విశాఖ, విజయనగరం జిల్లాల్లో ఐదుగురు చొప్పున, చిత్తూరు, ప్రకాశం, పశ్చిమగోదావరి జిల్లాల్లో ముగ్గురు చొప్పున ప్రాణాలు కోల్పోయారు. కడప, అనంతపురం జిల్లాల్లో ఒక్కొక్కరు మృతి చెందారు.

తూర్పుగోదావరి, గుంటూరు, అనంతపురం జిల్లాల్లో వెయ్యికి పైగా కరోనా కేసులు నమోదయ్యాయి.

జిల్లా	నమోదైన కేసులు
తూర్పు గోదావరి	1,391
గుంటూరు	1,184
అనంతపురం	1,016
కర్నూలు	904
పశ్చిమ గోదావరి	748
విశాఖ	684
నెల్లూరు	438
శ్రీకాకుళం	360
విజయనగరం	277
ప్రకాశం	271
కృష్ణా	230
కడప	224

ఇదీ చదవండి: