13 లక్షల రూపాయల నగదు పట్టివేత

ఎన్నికల నియమావళికి అనుగుణంగా రాష్ట్ర వ్యాప్తంగా పోలీసులు తనిఖీలను ముమ్మరం చేశారు. ఎలాంటి లెక్కలు, రుజువులు లేకుండా తరలిస్తున్న నగదను భారీగా స్వాధీనం చేసుకుంటున్నారు. శ్రీకాకుళంలో ఇవాళ 13 లక్షలు పట్టుకున్నారు.

ఎన్నికలు దగ్గరపడుతున్న వేళ... పోలీసులు చేపడుతున్న తనిఖీల్లో భారీగా నగదు పట్టుబడుతోంది. శ్రీకాకుళం జిల్లాలో ఇవాళ 13 లక్షల రూపాయలను స్వాధీనం చేసుకున్నారు. జిల్లాలోని ఇచ్చాపురం పురుషోత్తపురం చెక్ పోస్టు వద్ద 8 లక్షల 79 వేల రూపాయల లెక్కలు, పత్రాలు లేని పట్టుకున్నారు. మరో.. గంట వ్యవధిలోనే ఇచ్ఛాపురం బస్టాండ్ వద్ద 4 లక్షల 30 వేలను పోలీసులు స్వాధీనం చేసుకున్నారు. ఒడిశా నుంచి విశాఖపట్నానికి కారులో వెళ్తున్న వ్యక్తి వద్ద ఈ నగదును గుర్తించారు. ఎన్నికల ప్రవర్తన నియమావళి అమల్లోకి వచ్చినఈ నెల 11 నుంచి చేపడుతున్న తనిఖీల్లో ఇప్పటిదాకా సుమారు 19 లక్షల దాకా నగదు పట్టుబడినట్లు ఇచ్ఛాపురం పట్టణ సీఐ పైడి నాయుడు తెలిపారు.