Fire in Car: కారులో చెలరేగిన మంటలు.. తప్పిన పెను ప్రమాదం

A car caught fire: కారులో మంటలు చెలరేగి ప్రాణాలు పోయిన ఘటనలు రోజు చూస్తునే ఉన్నాం. ఇలాంటి ఘటనే కడప జిల్లా బద్వేలు పురపాలికలోని శివరామకృష్ణ నగర్​లో జరిగింది. అయితే అదృష్టం కొద్దీ కారును పార్కింగ్ చేసినప్పుడు ఈ ఘటన జరగడం.. కారులో ఎవరూ లేకపోవడంతో పెను ప్రమాదం తప్పింది.

Car catches fire: కడప జిల్లా బద్వేలులోని శివరామకృష్ణ నగర్​లో ఓ కారులో మంటలు చెలరేగాయి. కారు పార్కింగ్​ చేసిన సమయంలో ఈ ప్రమాదం జరగడంతో స్థానికులు గుర్తించి అగ్నిమాపక సిబ్బందికి సమాచారమిచ్చారు. వర్షం కురుస్తున్నా మంటలు ఎగిసిపడుతూనే ఉన్నాయి.. అయితే కారులో ఎవరూ లేకపోవడంతో పెను ప్రమాదం తప్పింది. ఈ ప్రమాదానికి షార్ట్​ సర్క్యూట్​ కారణమని భావిస్తున్నారు. అగ్నిమాపక సిబ్బంది ఘటనాస్థలానికి చేరుకొని మంటలు ఆర్పేశారు. ప్రమాదానికి గురైన కారు బద్వేల్​ గాండ్ల వీధికి చెందిన తేజస్​కు చెందినదిగా గుర్తించారు. వారి వీధిలో సీసీ రోడ్లు వేస్తున్నందున శివరామకృష్ణ నగర్​లో కారును పార్కింగ్ చేసినట్లు తేజస్.​. అగ్నిమాపక అధికారులకు తెలిపారు.