కరోనా కేసుల పెరుగుదలకు ఏపీ గతంలో హాట్స్పాట్గా తయారైందని తెదేపా ఎంపీ గల్లా జయదేవ్ పార్లమెంట్లో ఆరోపించారు. ఒకానొక సమయంలో.. ప్రపంచం వ్యాప్తంగా భారత్లో అత్యధిక కొవిడ్ కేసులు నమోదు కాగా.. దేశంలోనే ఎక్కువగా ఏపీలో నమోదయ్యాయన్నారు. వైరస్ వ్యాప్తిని కట్టడి చేయడంలో వైకాపా ప్రభుత్వం విఫలమైందని తెలిపారు. వైరస్ నిర్ధరణ పరీక్షల సమార్థ్యాన్ని పెంచలేదన్నారు. సీఎం జగన్ బాధ్యతగా వ్యవహరించి ఉంటే ఎందరో ప్రాణాలు కాపాడగలిగేవాళ్లమన్నారు.
ఏపీ విభజన చట్టాన్ని కేంద్ర ప్రభుత్వం విస్మరించిందని పార్లమెంట్కు ఎంపీ తెలిపారు. విభజన జరిగిన పదేళ్లలోపు ఇచ్చిన హామీలను కేంద్రం నెరవేర్చాల్సి ఉందని గుర్తు చేశారు. ఇంకో రెండుసార్లు బడ్జెట్ ప్రవేశపెడితే ఆ సమయం పూర్తవుతుందన్నారు. విభజన హామీలు నెరవేర్చడంపై మరొక ప్రత్యేక చర్చ చేపట్టాలని డిమాండ్ చేశారు. ప్రత్యేక హోదాతో పాటు విభజన హామీలు సాధిస్తామంటూ.. వైకాపా అధికారంలోకి వచ్చిందని గుర్తు చేశారు. ఎన్నికల అనంతరం ప్రవేశపెట్టిన మూడో బడ్జెట్ నాటికీ.. వారింకా కేంద్రాన్ని బతిమాలుతూనే ఉన్నారన్నారు. అభివృద్ధిలో రాష్ట్రాన్ని మరో ఐదేళ్లు వెనక్కి తీసుకెళ్లారని విమర్శించారు. వారికి అధికారం కట్టబెట్టి ఏపీ ప్రజలు ఏం సాధించారని ప్రశ్నించారు.
ఇదీ చదవండి:
