ప్రభుత్వం పేదలకు అందిస్తున్న ఇళ్ల పట్టాల మంజూరుకు లబ్ధిదారుల నుంచి రూ.21 కన్నా అదనంగా నగదు వసూలు చేస్తే చర్యలు తప్పవని గుంటూరు నగరపాలక సంస్థ కమిషనర్ చల్లా అనురాధ హెచ్చరించారు. ప్రభుత్వ నిబంధనల ప్రకారం లబ్ధిదారులు రూ.21 మాత్రమే చెల్లించి వార్డు సిబ్బంది నుంచి రశీదు పొందాలని సూచించారు. అదనంగా ఎవరైనా డబ్బులు డిమాండ్ చేస్తే జీఎంసీ కాల్ సెంటర్ నెంబర్లు 0863-2345103 / 104 / 105 కు ఫోను చేసి ఫిర్యాదు చేయాలన్నారు.
గుంటూరు నగరంలోని 207 వార్డు సచివాలయాల పరిధిలో 62,025 మందికి ఇళ్ల స్థలాల పట్టాలు మంజూరైనట్లు అనురాధ తెలిపారు. అదనంగా డబ్బులు డిమాండ్ చేసినట్లు తెలిస్తే సచివాలయ సిబ్బందితో పాటు వాలంటీర్లపై కఠిన చర్యలు తీసుకుంటామని కమిషనర్ హెచ్చరించారు.
ఇదీ చదవండి : 'శిరోముండనం బాధితుడిని కొందరు బలి చేస్తున్నారు'
