ఆన్లైన్ రుణాలు సామాన్యుల పట్ల యమపాశాలవుతున్న సంగతి తెలిసిందే. తెలుగురాష్ట్రాల్లో యాప్ల ద్వారా రుణాలు పొంది వాటిని కట్టలేక పలువురు ఆత్మహత్యలకు పాల్పడిన ఘటనలు సంచలనం సృష్టించాయి. ఈ వ్యవహారంలో మరో ముగ్గురిని హైదరాబాద్ పోలీసులు అరెస్ట్ చేశారు. బెంగళూరుకు చెందిన ముగ్గురిని అదుపులోకి తీసుకున్నారు. నిందితుల నుంచి 2 ల్యాప్‌టాప్‌లు, 4 చరవాణుల స్వాధీనం చేసుకున్నారు.
ఆన్లైన్ రుణ యాప్లో కేసులో తెలంగాణ సైబర్క్రైమ్ పోలీసులు ఇప్పటికే 20 మందిని అరెస్ట్ చేశారు. ఇందులో కొంత మందిని ఇతర రాష్ట్రాలకు వెళ్లి అరెస్ట్ చేసి.. వారిని పీటీ వారెంట్ ద్వారా తెలంగాణకు తీసుకొచ్చారు. ప్రజలు లోన్‌ యాప్ల మాయలో పడొద్దని పోలీసులు సూచించారు. ఇంకా ఎవరైనా ఫోన్ చేసి వేధిస్తుంటే తమకు ఫిర్యాదు చేయాల్సిందిగా చెప్పారు.
ఇదీ చదవండి: సీబీఐ విచారణ జరిపించకుంటే.. ఆధారాలు బయటపెడతాం: అయ్యన్నపాత్రుడు
