తెదేపా నేత కుటుంబరావు
సులభతర వాణిజ్యంలో ఏపీ అగ్రస్థానంలో నిలవడం సంతోషకరమని తెదేపా నేత కుటుంబరావు అన్నారు. 2019 మార్చికి ముందు సంస్కరణల ఆధారంగా ర్యాంకులను కేంద్రం ప్రకటించిందన్నారు. 2019 జూన్ తర్వాత పరిగణిస్తే ఏపీ పదో స్థానంలో ఉండేదని చెప్పారు. తెదేపా విధానాలు కాపీ కొట్టడం తప్ప.. ప్రస్తుత ప్రభుత్వం కొత్తగా ఆలోచించట్లేదని విమర్శించారు. ప్రభుత్వం భేషజాలకు పోకుండా ర్యాంకును సద్వినియోగం చేసుకోవాలని సూచించారు.
"రాష్ట్రానికి పరిశ్రమలు, కంపెనీలు వచ్చేలా చొరవ తీసుకోవాలి. తెదేపా ప్రభుత్వ విధానాలు సరైనందునే ఏపీకి అగ్రస్థానం. పెట్టుబడుల ఆకర్షణకు చంద్రబాబు తీసుకున్న చర్యలే ఏపీకి ఘనత సాధించాయి. తెదేపా క్రెడిట్‌ ఉపయోగించుకుని.. ప్రభుత్వం రాష్ట్రాభివృద్ధికి చొరవ చూపాలి" అని కుటుంబరావు వ్యాఖ్యానించారు.
ఇదీ చదవండి:
