PETITION IN HC : డెంటల్ పీజీ నియామకాల్లో ప్రభుత్వ డాక్టర్లకు కేటాయించిన ఇన్ సర్వీస్ సీట్లను అక్రమంగా నాన్ సర్వీస్ కోటాకి బదలాయిస్తున్నారంటూ హైకోర్టులో ఓ ప్రభుత్వ వైద్యుడు వ్యాజ్యం దాఖలు చేశారు. డెంటల్ కౌన్సిల్ ఆఫ్ ఇండియా ఇచ్చిన నిబంధనలకు వ్యతిరేకంగా తదుపరి నోటిఫికేషన్ ఇవ్వకుండా అక్రమంగా ఈ సీట్లను బదాలాయిస్తున్నారని పిటిషనర్ తరుఫు న్యాయవాది వాదించారు. దీనివల్ల ప్రభుత్వ వైద్యులు తీవ్రంగా నష్టపోతున్నారని పిటిషనర్ ఆవేదన వ్యక్తం చేశారు. ప్రభుత్వ డాక్టర్లుగా పనిచేస్తున్న తమకే అన్యాయం జరుగుతుందంటూ తన పిటిషన్లో పేర్కొన్నారు.
న్యాయవాది జడ శ్రవణ్ కుమార్ పిటిషనర్ తరఫున వాదనలు వినిపించారు. 2018 డెంటల్ కౌన్సిల్ ఆఫ్ ఇండియా ఇచ్చిన నిబంధనల ప్రకారం తప్పనిసరిగా రెండు, మూడు కౌన్సెలింగ్లు నిర్వహించాలని న్యాయవాది కోరారు. కౌన్సెలింగ్ నిర్వహించకుండా నిబంధనలకు వ్యతిరేకంగా ఎన్టీఆర్ యూనివర్సిటీ సీట్స్ బదలాయిస్తున్నారని న్యాయవాది న్యాయస్థానం దృష్టికి తీసుకువచ్చారు. పిటిషనర్కి కేటాయించిన సీట్లలో ఎవరిని నియమించవద్దు అంటూ హైకోర్టు ఆదేశాలు జారీ చేసింది. తదుపరి విచారణను అక్టోబర్ 13కి వాయిదా వేసింది.
ఇవీ చదవండి:
