పాప పుట్టిన వారానికే స్పెషల్ గిఫ్ట్ - దీపికా కొనుగోలు చేసిన ఆ ఖరీదైన బహుమతి ఏంటంటే? - Deepika Padukone Gift To Daughter

Deepika Padukone Special Gift : బాలీవుడ్ క్రేజీ కపుల్ దీపికా పదుకొణె, రణ్‌వీర్ సింగ్‌లు ఇటీవలే పండంటి ఆడబిడ్డకు తల్లిదండ్రులైన సంగతి తెలిసిందే. అయితే ఆ చిన్నారి పుట్టిన వారానికే దీపికా ఓ స్పెషల్ గిప్ట్​ను కొనుగోలు చేశారట. అదేంటో ఈ స్టోరీలో చూద్దాం.

Deepika Padukone Special Gift : బీటౌన్ స్టార్ కపుల్ దీపికా పదుకుణె, రణ్​వీర్ సింగ్ తాజాగా ఓ పండంటి ఆడబిడ్డకు తల్లిదండ్రులైన సంగతి తెలిసిందే. అయితే ఈ స్పెషల్ మూమెంట్​ను సెలబ్రేట్ చేసుకునేందుకు దీపికా ఓ ఖరీదైన గిఫ్ట్​ను కొనుగోలు చేశారని సమాచారం. అయితే 17.8కోట్ల రూపాయల వరకూ ఉంటుందని సమాచారం. ఇంతకీ అదేంటంటే?

ఆసుపత్రి నుంచి డిశ్చార్జ్ అయిన కొద్ది రోజులకే దీపికాకు చెందిన కేఏ ఎంటర్‌ప్రైజెస్ కంపెనీ ముంబయిలో ఓ ప్రాపర్టీని కొనుగోలు చేసిందట. ముంబయిలో ప్రముఖ సెలబ్రిటీలంతా ఉండే బాంద్రాలోని వెస్ట్ ప్రాంతంలో 1845 చదరపు అడుగుల అపార్ట్‌మెంట్ కొన్నట్లు వార్తలు వినిపిస్తున్నాయి. ఎనార్మ్ నాగ్ పాల్ రియాల్టీ సంస్థకు చెందిన సాగర్ రేషమ్ కోఆపరేటివ్ హౌసింగ్ సొసైటీలో 15వ అంతస్తులో ఉన్న ఈ అపార్ట్‌మెంట్ విలువ రూ.17.8కోట్లు ఉంటుందని సమాచారం. ఇందుకోసం దీపికా రూ.1.07కోట్లు రూపాయలు స్టాంప్ డ్యూటీ, రూ.30,000 రిజిస్ట్రేషన్ చార్జీలు కూడా చెల్లించారట. ఇంకో విషయం ఏంటంటే గతంలోనూ ఇదే రెసిడెన్షియల్ టవర్లో దీపికా, రణ్‌‌వీర్ సింగ్‌లు క్వాడ్రూప్లెక్స్ కొనుగోలు చేశారట.

రణ్‌వీర్ - దీపికాల ముంబయిలోని లగ్జరీ ఇళ్ల వివరాలు ఇవే :
సీ ఫేసింగ్ క్వాడ్రూప్లెక్స్ హౌస్
షారుక్​ ఖాన్ విలాసవంతమైన 'మన్నత్‌'కు సమీపంలోని బాంద్రా బ్యాండ్ స్టాండ్‌లో దీపికా, రణ్​వీర్ ఓ ఇంటిని కొనుగోలు చేశారట. సాగర్ రేషమ్ కోఆపరేటివ్ హౌసింగ్ సొసైటీలోని 16, 17, 18,19 ఫ్లోర్లలో ఇది ఉంటుందట. దీని టెర్రస్ ఏరియానే 1300 చదరపు అడుగులని సమాచారం. అంతేకాకుండా 19 కార్లు పార్కింగ్ చేసుకునే వెసలుబాటు కూడా ఉందట. దీని కోసం దాదాపు రూ.119 కోట్లు వెచ్చించి పెట్టి మరీ సీ ఫేసింగ్ క్వాడ్రూప్లెక్స్‌ను కొనుగోలు చేశారట.

4 బెడ్ రూమ్​ల అపార్ట్‌మెంట్
దీప్​వీర్ జోడీకి ముంబయిలోని ప్రభాదేవీ ప్రాంతంలోని బ్యూమొండే టవర్స్‌లో 4 బెడ్ రూమ్​ల అపార్ట్‌మెంట్ కూడా ఉందని సినీ వర్గాల సమాచారం. 2010లో రూ.16 కోట్లు వెచ్చించి మరీ ఈ ప్రాపర్టీని వారు కొనుగోలు చేశారట. దాని విలువ సుమారు రూ.42 కోట్లు ఉంటుందట. ఈ 2,776 చదరపు అడుగుల ఇంట్లోనే ప్రస్తుతం ఈ దంపతులు ఉంటున్నారట.

అలీబాగ్‌లో కోట్ల విలువైన బంగ్లా
2021లో దీపికా పదుకొణె, రణవీర్ సింగ్‌లు అలీబాగ్‌లో ఓ విలాసవంతమైన బంగ్లా కోసం రూ.22 కోట్ల పెట్టుబడి పెట్టారట. సింగిల్ ట్రాన్సాక్షన్​తోనే కొనుగోలు చేసిన ఈ 5 బెడ్ రూంల (జీ+1 )ఇల్లు 18వేల చదరపు అడుగుల విస్తీర్ణంలో ఉందని సమాచారం. ఈ ఏరియాని బిలియనీర్స్ స్ట్రీట్ అని కూడా పిలుస్తారట. షారుక్​ ఖాన్, విరాట్ కోహ్లీలకు కూడా ఈ ఏరియాలో ప్రాపర్టీలు ఉన్నాయట.