సరిహద్దులో అంబులెన్సుల అడ్డుకోవడాన్ని వ్యతిరేకిస్తున్నాం: సోము వీర్రాజు

రాష్ట్ర సరిహద్దులో అంబులెన్సుల అడ్డగింతపై భాజపా రాష్ట్ర అధ్యక్షుడు సోము వీర్రాజు ఘాటుగా స్పందించారు. కేసీఆర్ ఈ వైఖరి మార్చుకోవాలని హితవు పలికారు. సీఎం జగన్ ఈ అంశంపై స్పష్టత ఇవ్వాలని డిమాండ్ చేశారు. దీనిపై కేంద్రానికి లేఖ రాస్తామని వెల్లడించారు.

తెలంగాణ రాష్ట్ర సరిహద్దులో అంబులెన్సులను అడ్డుకోవడాన్ని వ్యతిరేకిస్తున్నామని.. భారతీయ జనతా పార్టీ రాష్ట్ర అధ్యక్షుడు సోము వీర్రాజు స్పష్టం చేశారు. హైదరాబాద్ ఒక మెడికల్ హబ్‌గా వెలుగొందుతుందని.. అంబులెన్సులపై కేసీఆర్ మొండి వైఖరి మార్చుకోవాలని హితవు పలికారు. జగన్ వెంటనే ఈ అంశాలపై స్పష్టత ఇవ్వాలని సోము వీర్రాజు డిమాండ్ చేశారు. ఇప్పటికే కేంద్రమంత్రి కిషన్‌రెడ్డితో మాట్లాడానని.. ఇదే విషయంపై కేంద్రానికి లేఖ రాస్తామని సోము వీర్రాజు వెల్లడించారు.

ఇదీ చదవండీ... సరిహద్దులో మారని తెలంగాణ పోలీసుల తీరు.. వెనక్కి వెళ్తున్న అంబులెన్సులు