'ఆలయ ఆస్తుల పరిరక్షణ ప్రభుత్వానిదే కాదు... ప్రజలకూ ఉంది'

దేవాలయ భూములు, భవనాలు వివరాలు ఆన్​లైన్ చేసేందుకు చర్యలు చేపడుతున్నట్లు మంత్రి వెల్లంపల్లి శ్రీనివాస్ తెలిపారు. నిబంధనల ప్రకారమే ఆలయాల్లోకి భక్తులను అనుమతిస్తామని స్పష్టం చేశారు.

ఆలయ ఆస్తుల పరిరక్షణ బాధ్యత ప్రభుత్వానిదే కాకుండా.. ప్రజలపై కూడా ఉందని దేవాదాయ శాఖ మంత్రి వెల్లంపల్లి శ్రీనివాస్​ అన్నారు. విజయవాడలో అధికారులతో ఆయన సమావేశం నిర్వహించారు. దేవాలయ భూములు, భవనాల వివరాలు ఆన్‌లైన్‌ చేసేందుకు చర్యలు చేపట్టాలని దేవదాయశాఖ కమిషనర్‌ను మంత్రి ఆదేశించారు.

ఆలయాల్లోకి భక్తులను నిబంధనల ప్రకారమే అనుమతిస్తామని మంత్రి వెల్లంపల్లి స్పష్టం చేశారు. ప్రధాన ఆలయాల్లోని సాప్ట్​వేర్​ను పీటీఎస్‌ ద్వారా అనుసంధానం చేయాలని అధికారులకు సూచించారు.

ఇవీ చదవండి: