పులిచింతల నీటి ఉద్ధృతికి 500 ఎకరాలు మునక

కృష్ణానదికి నీటి ఉద్ధృతి పెరిగింది. పులిచింతల నుంచి 6 లక్షల క్యూసెక్కుల నీరు దిగువకు విడుదల చేశారు. ఫలితంగా 5 వందల ఎకరాల్లో పంటలు నీట మునిగాయని అధికారుల అంచనా వేస్తున్నారు. అమరావతి, విజయవాడ మధ్య రాకపోకలకు ఇబ్బందులు తప్పడం లేదు.

పులిచింతల నుంచి 6లక్షల క్యూసెక్కుల నీటి విడుదలతో దిగువ ప్రాంతాలు నీటి మునిగాయి. పంటపొలాలు, రహదారులు జలమయమయ్యాయి. 5 వందల ఎకరాల్లో పంటలు నీట మునిగాయని వ్యవసాయ శాఖ అధికారులు అంచనా వేస్తున్నారు. అమరావతి, విజయవాడ మధ్య రాకపోకలకు అంతరాయమేర్పడింది. అమరేశ్వరాలయం, ధ్యానబుద్ధ ప్రాజెక్టు పుష్కరఘాట్‌ వద్ద నీటి ప్రవాహం ఎక్కువగా ఉంది. రెవెన్యూ, పోలీసు శాఖ అధికారులు ఎప్పటికప్పుడు పరిస్థితి సమీక్షిస్తూ సహాయక చర్యలు చేపడుతున్నారు.