Kodipandalu 2022: సంక్రాంతి పండగలో కోడి పందేలకు ఉన్న ప్రాముఖ్యత ఏంటన్నది చెప్పాల్సిన పనిలేదు. అయితే.. కోడి పందేలంటే గుర్తుకువచ్చేది ఆంధ్రప్రదేశ్‌. కానీ.. తెలంగాణలోనూ ఈ పందేలు పలుచోట్ల నిర్వహిస్తుంటారు. కామారెడ్డి జిల్లాలో 3 రోజులుగా కోడి పందేలు నిర్వహించారు. సమాచారం అందుకున్న పోలీసులు మాచారెడ్డి మండలం చుక్కపూర్ అటవీప్రాంతంలో పందెం రాయుళ్లను పట్టుకున్నారు.
పోలీసుల రాకతో జూదరులు పరుగులు తీశారు. పోలీసులు చాకచక్యంగా నిందితులను అరెస్ట్ చేసి పోలీస్ స్టేషన్కు తరలించారు. టాస్క్‌ఫోర్స్‌ సీఐ జాన్‌రెడ్డి, మాచారెడ్డి ఎస్సై శ్రీనివాస్‌రెడ్డి ఆధ్వర్యంలో నిర్వహించిన దాడుల్లో.. 54 ద్విచక్ర వాహనాలు, ఒక కారు, 20 వేల నగదు, 30 కోళ్లను స్వాధీనం చేసుకున్నారు.
ఇదీ చూడండి: East Godavari District: జోరుగా కోడిపందేలు.. ప్రయాణికులకు ట్రాఫిక్‌ కష్టాలు
