జనసేనకు అండగా ఉంటానని చిరంజీవి చెప్పారని...ఆ పార్టీ నేత నాదెండ్ల మనోహర్ ప్రకటించారు. చిరంజీవి ఒప్పించడంతోనే తిరిగి సినిమాలు చేయడానికి పవన్ ఒప్పుకున్నారని వ్యాఖ్యానించారు. పవన్ రాజకీయ ప్రస్థానంలో తానూ ఉంటానని అంతర్గత భేటీలో చిరంజీవి చెప్పారని నాదెండ్ల మనోహర్ అన్నారు. విజయవాడలో మూడు నియోజకవర్గాల క్రియాశీల కార్యకర్తలకు 5 లక్షల ప్రమాద బీమాకు సంబంధించిన బాండ్ లను ఆయన పంపిణీ చేశారు. విజయవాడ మహా నగరాన్ని ప్రభుత్వం మార్పులు చేస్తూ ప్రజలను ఏ విధంగా ఇబ్బందులు పెడుతుందో చూస్తున్నామని...వైకాపా ప్రభుత్వానికి వ్యతిరేకంగా పోరాడాల్సిన అవసరం ఉందన్నారు. జనసేన పార్టీలో నిబద్ధత కలిగిన వారిని పార్టీ ప్రత్యేక గుర్తింపు ఉంటుందన్నారు. కరోనా సమయంలో జనసేన కార్యకర్తలు చేసిన సేవలు చాలా గొప్పవని ప్రశంసించారు.
ఇదీ చదవండి: ఒకేసారి ఎన్నికలు, వ్యాక్సినేషన్ సమస్యే: డీజీపీ గౌతమ్ సవాంగ్
