ఉత్తమ సేవలందిస్తున్న వాలంటీర్లను సత్కరించాలని నిర్ణయించిన ఏపీ ప్రభుత్వం ఈ మేరకు నిధులు విడుదల చేసింది. వాలంటీర్లను సత్కరించడం సహా ఇతర అవసరాలకు గానూ 261 కోట్ల రూపాయలను విడుదలచేస్తూ ఆర్ధికశాఖ ప్రత్యేక కార్యదర్శి సత్యనారాయణ ఉత్తర్వులు ఇచ్చారు.
విశిష్ట సేవలు..
వాలంటీర్లకు ప్రోత్సాహకాలను ఇచ్చేందుకు.. ఈ మొత్తాన్ని విడుదల చేస్తున్నట్టు ఆర్ధిక శాఖ ఉత్తర్వుల్లో పేర్కొంది. సేవా వజ్ర, సేవా రత్న, సేవామిత్రల పేరిట విశిష్ట సేవలు అందించిన... గ్రామ, వార్డు వాలంటీర్లకు నగదు ప్రోత్సాహకాలను అందించనున్నారు. ఉగాది రోజున.. ముఖ్యమంత్రి జగన్ చేతుల మీదుగా ఈ కార్యక్రమం ప్రారంభం కానుంది.
