గెలుపు సంబరాల్లో అపశృతి.. తెలంగాణ భవన్​లో అగ్ని ప్రమాదం

హైదరాబాద్​లోని తెలంగాణ భవన్​లో అగ్నిప్రమాదం సంభవించింది. ఎమ్మెల్సీ ఎన్నికల్లో తెరాస అభ్యర్థి వాణీదేవి గెలుపుతో కార్యకర్తలు బాణాసంచా కాల్చి సంబురాలు చేసుకున్నారు. ఈ సమయంలో ప్రమాదవశాత్తు మంటలు చెలరేగాయి.

తెలంగాణ భవన్‌లో అగ్ని ప్రమాదం చోటు చేసుకుంది. ఎమ్మెల్సీ ఎన్నికల్లో తెరాస అభ్యర్థి సురభి వాణీదేవి ఘన విజయంతో కార్యకర్తలు బాణాసంచా కాల్చి సంబురాలు చేసుకున్నారు. ఈ క్రమంలోనే నిప్పురవ్వలు ఎగిరిపడి భవన్​ ప్రాంగణంలో ఉన్న ఎండిన చెట్లపై పడి మంటలు చెలరేగాయి.

సమాచారం అందుకున్న అగ్నిమాపక సిబ్బంది హుటాహుటిన ఘటనా స్థలికి చేరుకున్నారు. మంటలను అదుపు చేశారు. ప్రమాదంలో ఎలాంటి ఆస్తి, ప్రాణనష్టం జరగకపోవడంతో అందరూ ఊపిరి పీల్చుకున్నారు.