బాలాపూర్​ రికార్డును.. తుడిచేసిన ఫిలింనగర్​!

గణపతి లడ్డూ అంటే గుర్తొచ్చేది హైదరాబాద్​లోని బాలాపూరే. ఏటా జరిగే వేలం పాటలో ఆశ్చర్యపోయేంత ధర పలుకుతూ... వినాయకుని ప్రసాదం భక్తుల సొంతమవుతుంటుంది. ఈ సారి... బాలాపూర్​ గణనాథుని లడ్డూ ధరను ఫిలింనగర్​లోని వినాయక్​నగర్​ గణేశుడి లడ్డూ ప్రసాదం దాటి పరుగులు పెట్టింది. నగరంలో తనదే అతి ఖరీదైన లడ్డూగా రికార్డు అందుకుంది.

హైదరాబాద్​లోని​ బాలాపూర్ లడ్డూకు ఎంత ప్రాముఖ్యత ఉందో... అది గత కొన్ని దశాబ్దాలుగా పలికే ధరను చూస్తేనే తెలుస్తుంది. ఏడాదికేడాది బాలాపూర్​ లడ్డూ ధర అమాంతం పెరుగతూ... అందరినీ అశ్చర్యపరుస్తోంది. అలాంటిది... ఈ సారి ఏకంగా రూ.17 లక్షల 60 వేలు పలికింది. కానీ... ఫిలింనగర్​లోని వినాయక్​నగర్​ బస్తీ గణపతి లడ్డూ ఆ రికార్డును బద్దలు కొటింది. ఎవరూ ఊహించని విధంగా రూ.17 లక్షల 75 వేలు పలికి నగరవాసుల్ని ఆశ్చరచకితుల్ని చేసింది. ఈ ఖరీదైన లడ్డూను భాజపా నాయకుడు గోవర్ధన్‌ దక్కించుకుని అందరి దృష్టిని ఆకర్షించారు. గతేడాది రూ.15.1 లక్షలు పలికిన వినాయక్ నగర్ లడ్డూ... నగరంలో రెండో స్థానంలో నిలిచింది.

ఇవీ చూడండి:

ఖైరతాబాద్​ గణపతికి ఆ డ్రైవరే ఏడోసారి..!