రాష్ట్రంలో భూ రికార్డులను పూర్తిగా ప్రక్షాళన చేయాలని.. వచ్చే రెండు నెలల్లో ప్రక్రియ పూర్తి చేయాలని ఉప ముఖ్యమంత్రి పిల్లి సుభాష్ చంద్రబోస్ అధికారులను ఆదేశించారు. భూముల రీసర్వే, ఇళ్ల స్థలాల పంపిణీపై సచివాలయం నుంచి అన్ని జిల్లాల సంయుక్త కలెక్టర్లతో వీడియో కాన్ఫరెన్స్ నిర్వహించారు. ప్రత్యేక సీఎస్ మన్మోహన్ సింగ్, కార్యదర్శి చక్రవర్తి, పీఎస్ గోవిందరాజులు, ఓఎస్డీ ఏవీ రామ్ ప్రసాద్ ఈ సమావేశంలో పాల్గొన్నారు. ఇళ్ల స్థలాలు, భూముల రీసర్వే ముఖ్యమంత్రి ప్రాధాన్యత అంశాలన్న ఆయన అధికారులు ముందస్తుగా సిద్ధం కావాలని సూచించారు. ప్రతి మండలంలో ఒక గ్రామాన్ని పైలట్ ప్రాజెక్టుగా తీసుకుని వివరాలు సిద్ధం చేయాలని ఆదేశించారు. జిల్లాల్లో ప్రతి వారం మండల అధికారులతో సమీక్షలు నిర్వహించాలని ఆదేశించారు. ఎక్కడా ఎటువంటి ఆటంకాలు లేకుండా, పటిష్ఠమైన చర్యలు తీసుకోవాలని అధికారులకు మంత్రి సూచించారు. రికార్డుల్లో వ్యత్యాసాలు లేకుండా తగిన జాగ్రత్తలు తీసుకోవాలని, నమోదు ప్రక్రియలో జాగ్రత్త వ్యవహరించాలని అధికారులను ఆదేశించారు. రాష్ట్రంలోని 13 జిల్లాలలో 8 మండలాలు ఒకటి చొప్పున ఒక ఆధునిక స్టోరేజ్ రూములను నిర్మించాల్సి ఉందని, ఆ ప్రక్రియను సెప్టెంబర్ 15 నాటికి పూర్తి చేయాలని దిశానిర్దేశం చేశారు.
ఇదీ చదవండి:
