కరోనా నిర్ధారణ పరీక్షల ఫలితాలు ఇకపై సంబంధిత వ్యక్తి నమోదు చేయించుకున్న సెల్ఫోన్ నంబరుకు సమాచారం రూపంలో నేరుగా అందుతుంది. వైద్య ఆరోగ్య శాఖ పంపే లింకు ఆధారంగానూ ఫలితాన్ని చూసుకునే అవకాశం కల్పిస్తున్నారు. ప్రస్తుత పరిస్థితుల్లో వైరస్ నిర్ధారణ పరీక్షలు చేయించుకుంటే ఫలితం వచ్చేందుకు ఒకట్రెండు రోజుల వ్యవధి పడుతోంది.
ఫలితాన్ని ఆన్లైన్ ద్వారా వైద్యులు, సంబంధిత ఆస్పత్రుల సూపరింటెండెంట్లకు తెలియజేస్తున్నారు. దీని వల్ల కొత్త సమస్యలు తలెత్తుతున్నాయి. పరీక్షలు చేయించుకున్న వ్యక్తి సెల్ఫోన్ నంబరుకు ఫలితాన్ని అందజేయడం మంగళవారం నుంచి అమల్లోకి తెస్తున్నామని ఆరోగ్య కుటుంబ సంక్షేమ శాఖ కమిషనర్ కాటంనేని భాస్కర్ తెలిపారు. దీనివల్ల వైద్య చికిత్సను వెంటనే ప్రారంభించేందుకు వీలవుతుందన్నారు.
ఇదీ చదవండి:
