కరోనా బారినపడిన ఉద్యోగులు వైద్యం కోసం ఇబ్బందులు పడకుండా ఉండేందుకు ఆర్టీసీ చర్యలు తీసుకుంది. బస్సుల్లో విధులు నిర్వహిస్తూ కరోనా మహమ్మారి సోకిన వారికి మెరుగైన చికిత్స అందించాలని సంస్థ నిర్ణయించింది. వ్యాధి సోకిన ఆర్టీసీ ఉద్యోగితో పాటు వారి కుటుంబ సభ్యులకు వైద్యం అందించేందుకు ప్రత్యేక ఏర్పాట్లు చేసింది.
ప్రభుత్వ గుర్తింపు పొందిన ప్రైవేటు ఆస్పత్రుల్లో చికిత్సకు ఆమోదం తెలిపింది. ఉద్యోగి, సహా కుటుంబ సభ్యుల వైద్యానికయ్యే ఖర్చు మొత్తాన్ని చెల్లించేందుకు సంస్ధ అంగీకారం తెలిపుతూ ఆదేశాలు జారీ చేసింది. సంబంధిత అధికారులకు ఈ మేరకు ఆర్టీసీ ఈడీ ఎ.కోటేశ్వరరావు ఆదేశాలు జారీ చేశారు. వీటితో పాటు చాలా రోజులుగా పెండింగ్ లో ఉన్న పలు సమస్యలను పరిష్కరించారు.
పదవీ విరమణ పొందిన ఆర్టీసీ ఉద్యోగులకు జూన్ నెల ఎస్ఆర్బీఎస్ పెన్షన్లను ఆర్టీసీ చెల్లించింది. 2019 డిసెంబర్ నెలాఖరు వరకు రిటైర్ అయిన ఉద్యోగులకు సెటిల్మెంట్ బకాయిలు చెల్లించింది. మొత్తం 12 కోట్ల బకాయులు ఆర్టీసీ చెల్లించినట్లు అధికారులు వెల్లడించారు. సమస్యలు పరిష్కరించినందుకు ఈడీ కోటేశ్వర రావుకు ఆర్టీసీ ఉద్యోగ సంఘాలు, సిబ్బంది కృతజ్ఞతలు తెలిపారు.
ఇదీ చదవండి:
