రాష్ట్ర వ్యాప్తంగా ర్యాండమ్ టెస్టుల నిర్వహణకు వైద్యారోగ్య శాఖ సిద్ధమైంది. నమూనాల సేకరణ పెంచాలని నిర్ణయించింది. రెడ్జోన్లు, కంటైన్మెంటు క్లస్టర్లు సహా ఇతర ప్రాంతాల్లో నమూనాల సేకరించాలని అధికారులను ఆదేశించింది. ఇళ్ల వద్దకే వెళ్లి కరోనా వైరస్ పరీక్షలు చేసేందుకు ఆదేశాలు జారీ చేసింది. ప్రజలు అపోహలకు గురికావొద్దని సూచనలు జారీచేసిన వైద్యారోగ్యశాఖ... ధైర్యంగా నమూనాలు ఇచ్చి పరీక్షలు నిర్వహించుకోవాలని కోరింది. పరిసరాల్లో అనుమానితుల వివరాలు తెలియజేసి పరీక్షించేలా సహకరించాలని సూచించింది. పరీక్షల అనంతరం క్వారంటైన్‌ లేదా ఆస్పత్రికి తరలించే అవకాశం లేదని ప్రకటించింది. వైద్యులే వచ్చి ఉచితంగా మందులు ఇస్తారని వైద్యారోగ్యశాఖ తెలిపింది. వైఎస్ఆర్ టెలీ మెడిసిన్‌ సౌకర్యాన్ని వినియోగించుకోవాలని స్పష్టం చేసింది.
ఇదీ చదవండి:
