ప్రభుత్వ ప్రధాన కార్యదర్శి ఎల్వీ సుబ్రమణ్యంపై క్రైస్తవ ధర్మ ప్రచార పరిరక్షణ సమితి.. తెలంగాణ రాష్ట్ర మానవ హక్కుల కమిషన్లో ఫిర్యాదు చేసింది. శ్రీశైలం, తిరుమల తిరుపతి దేవస్థానంలో పని చేస్తున్న క్రైస్తవ ఉద్యోగులను తొలగిస్తూ ఎల్వీ సుబ్రమణ్యం జీఓ జారీ చేశారని సమితి అధ్యక్షుడు జెరూసలేం మత్తయ్య కమిషన్ దృష్టికి తీసుకెళ్లారు. అంతేకాకుండా దేవాదాయశాఖ అధికారులు, పోలీసులు ఉద్యోగుల ఇళ్లకు వెళ్లి వేధింపులకు గురిచేస్తున్నారని ఆరోపించారు. తక్షణమే సీఎస్ జారీ చేసిన ఉత్తర్వులను ఉపసంహరించే విధంగా ఆదేశాలు ఇవ్వాలని కోరారు. ఆయనపై ఎస్సీ, ఎస్టీ అట్రాసిటీ, మానవ హక్కుల ఉల్లంఘన, రాజ్యాంగ ద్రోహం కేసులు నమోదు చేయాలని డిమాండ్ చేశారు.
ఇవీ చదవండి.
