తెలంగాణ సీఎం కేసీఆర్ బుధవారం నుంచి మూడు రోజుల పాటు దేశ రాజధాని దిల్లీలో పర్యటించనున్నారు. సెప్టెంబర్ 1న మధ్యాహ్నం ప్రత్యేక విమానంలో దిల్లీకి వెళ్తారు. 2వ తేదీ మధ్యాహ్నం 12.30 గంటలకు దిల్లీ వసంత్విహార్ మెట్రోస్టేషన్ సమీపంలోని 1300గజాల స్థలంలో తెరాస పార్టీ కార్యాలయ నిర్మాణ పనులకు భూమి పూజ చేస్తారు.
ఈ కార్యక్రమంలో తెరాస మంత్రులు, ఎమ్మెల్యేలు, ఎమ్మెల్సీలు, లోక్సభ, రాజ్యసభ సభ్యులు, పార్టీ ప్రధాన కార్యదర్శులు, ఇతర నేతలు పాల్గొంటారు. ఈ సందర్భంగా ఏర్పాటు చేసే సమావేశంలో సీఎం ప్రసంగిస్తారు. ఆ రోజు ముఖ్యమంత్రి దిల్లీలోనే బస చేస్తారు. అనుమతి లభిస్తే రాష్ట్రపతి, ప్రధానమంత్రి, పలువురు కేంద్రమంత్రులను కలిసే అవకాశం ఉంది. సెప్టెంబర్ 3న తిరిగి హైదరాబాద్కు వస్తారు.
ఇదీ చదవండి:NAVANEETHA SEVA: తిరుమలలో ఘనంగా కృష్ణాష్టమి వేడుకలు.. నవనీత సేవ ప్రారంభం..!
