వైకాపా ఉన్మాదం చూస్తుంటే దిగ్బ్రాంతి కలుగుతోందని తెదేపా అధినేత చంద్రబాబు ధ్వజమెత్తారు. గుంటూరు జిల్లా పొన్నూరులో ఎస్సీ యువకుడు బేతమల మణిరత్నం అరెస్ట్ మరో ఉన్మాద చర్యగా ఆయన అభివర్ణించారు. ఈ ఘటనను తీవ్రంగా ఖండించిన చంద్రబాబు... గోడపై పోస్టర్ ఉన్న వీడియోను సామాజిక మాధ్యమంలో పెట్టడంలో హానికరం ఏముందని ప్రశ్నించారు. అదే జిల్లాలో బాలికపై అత్యాచారం ఆరోపణలున్న నిందితులు, అరెస్ట్ చేస్తారనే భయం లేకుండా నిర్భీతిగా తిరుగుతున్నారని ఆగ్రహం వ్యక్తం చేశారు. జగన్మోహన్ రెడ్డి నిరంకుశ పాలనలో ఏపీలో ప్రజాస్వామ్యం అపహాస్యం అవుతోందన్నారు. నియంతగా మారి విచ్చలవిడిగా అధికార దుర్వినియోగం చేస్తున్నారు దుయ్యబట్టారు.
ఇదీ చదవండి
