అప్పటిదాకా వేగంతో దూసుకెళ్తున్న కారు ఇంజిన్లో ఒక్కసారిగా మంటలు చెలరేగాయి. వెంటనే అప్రమత్తమైన ఇద్దరు వ్యక్తులు ప్రాణాపాయం నుంచి తప్పించుకున్నారు. ఈ ఘటనలో కారు పూర్తిగా మంటల్లో దగ్ధమైంది. తెలంగాణలోని సూర్యాపేట జిల్లా మునగాల మండలం ఆకుపాముల శివారులో ఈ ప్రమాదం జరిగింది.
గుంటూరు జిల్లా రేపల్లె నుంచి హైదరాబాద్కు వెళ్తుండగా కారు అగ్నిప్రమాదానికి గురైంది. స్థానికులు అగ్నిమాపక సిబ్బందికి సమాచారం ఇవ్వడంతో వారు మంటలను అదుపులోకి తెచ్చారు. అప్పటికే కారు ముందుభాగం పూర్తిగా కాలి బూడిదైంది. ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు.
ఇదీ చూడండి: సాయం చేద్దామనుకున్నారు.. సజీవదహనమయ్యారు
