మాజీ సభాపతి కోడెల ఆత్మహత్యకు దారి తీసిన పరిస్థితులపై.. తెదేపా అధినేత చంద్రబాబు చేసిన వ్యాఖ్యలను.. మంత్రి బొత్స తప్పుబట్టారు. తెదేపా నేతలతో కోడెల గురించి ఎందుకు మాట్లాడించారని నిలదీశారు. ''ఫర్నిచర్ విలువ లక్ష, రెండు లక్షలని ఇప్పుడు ఎందుకు చెబుతున్నారు..? అసలు విలువెంతో మేం చెప్పాల్సి వస్తోంది. అసలు కోడెల ఫోన్ ఎందుకు పోయింది... ఎక్కడ పోయింది..?'' అని ప్రశ్నించారు. చంద్రబాబు ఏం మాట్లాడిన ఖబడ్దార్ అని అంటున్నారన్న బొత్స... ఇదేం భాషో అర్థం కావడంలేదని ఆగ్రహం వ్యక్తం చేశారు. కాపుల ఉద్యమం జరిగినప్పుడు చేసిన అవమానాలు గుర్తులేవా అని ప్రశ్నించారు. సీబీఐని నాడు నిషేధించిన చంద్రబాబు.. ఇప్పుడు మాత్రం ఎందుకు కోరుకుంటున్నారని నిలదీశారు.
''తెదేపా నేతలు ఇంకా అధికారంలోనే ఉన్నామని అనుకుంటున్నారు. అచ్చెన్నాయుడు, కూన రవికూమార్, చింతమనేని ప్రభాకర్ వ్యాఖ్యలను మేము సృష్టించామా..? సోమిరెడ్డి కేసులతో అసలు ప్రభుత్వానికి ఏం సంబంధం? కేసులు ఎవరు పెట్టారు... చంద్రబాబు ఎవరిని నిందిస్తున్నారు? యరపతినేని శ్రీనివాస్ గురించి కోర్టు చేసిన వ్యాఖ్యలు మరిచిపోయారా? ప్రజలకు, ఇతర పార్టీ నేతలకు చేసిన అవమానం మర్చిపోయారా..? తెదేపా నేతలు అధికారులను, ప్రజలను నిందించిన విషయం నిజం కాదా..?'' అంటూ బొత్స ప్రశ్నించారు.
ఇదీ చదవండీ... దేశ చరిత్రలో ఇదే ప్రథమం: బొత్స
