కరోనా మహమ్మారి మూగజీవాలను కూడా వదట్లేదు అన్న విషయం తెలిశాక జంతు ప్రేమికులు తీవ్ర ఆందోళన చెందుతున్నారు. కొందరు ఇంట్లో అల్లారుముద్దుగా పెంచుకుంటున్న తమ శునకాలకు ఎక్కడ కరోనా సోకుతుందేమోనని భయపడుతున్నారు. మరికొందరైతే... ఏకంగా కొవిడ్ పరీక్షలు చేపించేందుకు పశువైద్యశాలలకు క్యూకట్టారు.
సికింద్రాబాద్ బోయిగూడలోని పశువుల ఆసుపత్రికి... జంతుప్రేమికులు పెద్దఎత్తున తరలివచ్చారు. తమ పెంపుడు జంతువులకు కొవిడ్ పరీక్షలు చేయిస్తున్నారు. వైద్యశాల ప్రాంగణమంతా కిక్కిరిసిపోయింది. మరోవైపు... శునకాలకు కొవిడ్ వస్తుందని ఇప్పటివరకూ.. ఎలాంటి ఆధారాలు లభించలేదని పశువైద్యశాల ఉన్నత వైద్యుడు నాగరాజు వెల్లడించారు. దీనిపై కంగారు పడాల్సిన అవసరం లేదని సూచించారు.
