'రాజకీయ లబ్ధి కోసమే పారిశ్రామిక ప్రోత్సాహకాలు'

రాజకీయ లబ్ధి కోసమే వైకాపా ప్రభుత్వం పారిశ్రామిక ప్రోత్సాహకాలు విడుదల చేసిందని ఎమ్మెల్సీ అశోక్ బాబు అన్నారు. ఈ ఏడాది కాలంలో వైకాపా ప్రభుత్వం పరిశ్రమల కోసం ఏమి చేశారో శ్వేత పత్రం విడుదల చేయాలని అశోక్ బాబు డిమాండ్ చేశారు.

ప్రభుత్వం విడుదల చేసిన పారిశ్రామిక ప్రోత్సాహకాల వెనుక రాజకీయ లబ్ధి ఉందని తెదేపా ఎమ్మెల్సీ అశోక్ బాబు అన్నారు. తెదేపా ఎమ్మెల్యే మద్దాలి గిరి పరిశ్రమకు సంబంధించి రూ. 8 కోట్లు పెండింగ్​లో పెట్టి.. పార్టీలో చేర్చుకున్నాక వాటిని విడుదల చేశారని ఆయన ఆరోపించారు.

2014-2019 మధ్య రూ.3,625 కోట్లు పారిశ్రామిక ప్రోత్సాహకాలు విడుదలయ్యాయని ఎమ్మెల్సీ అశోక్ బాబు గుర్తు చేశారు. తాజా ప్రోత్సాహకాలు తెలుగుదేశం ప్రభుత్వం పెట్టిన పారిశ్రామిక విధానంలోవే తప్ప కొత్త పారిశ్రామిక విధానాన్ని ప్రస్తుత ప్రభుత్వం ప్రకటించలేదన్నారు. అసలు పరిశ్రమలకు ఈ ఏడాది కాలంలో ఏమి చేశారో శ్వేత పత్రం విడుదల చేయాలని ప్రభుత్వాన్ని అశోక్ బాబు డిమాండ్ చేశారు.

ఇదీ చదవండి: నన్ను తప్పించేందుకు స్కెచ్ వేశారు: ఈటీవీ భారత్​తో రఘురామకృష్ణరాజు