కరోనా వైరస్ నివారణ, సహాయ చర్యల కోసం సీఎం సహాయనిధికి విరాళాలు కొనసాగుతున్నాయి. పశ్చిమ గోదావరి జిల్లా తాడేపల్లిగూడెం నియోజకవర్గ ప్రజలు, విద్యాసంస్థలు, వర్తక, వాణిజ్య సంఘాల తరఫున 2 కోట్ల రూపాయలు విరాళం సీఎంఆర్ఎఫ్కు ఇచ్చారు. తాడేపల్లిగూడెం ఎమ్మెల్యే కొట్టు సత్యనారాయణ, కొట్టు విశాల్‌ సీఎం జగన్‌కు చెక్కు అందజేశారు. సీఎం సహాయనిధికి పశ్చిమ గోదావరి జిల్లా ఉండి నియోజకవర్గం ప్రజలు, వైకాపా నేతల తరఫున 1 కోటి 60 లక్షల విరాళాన్ని.. వైకాపా నియోజకవర్గ ఇన్‌ఛార్జ్‌ పీవీఎల్‌ నరసింహరాజు, పీఏసీఎస్ ఛైర్మన్‌ పీడీ ప్రసాదరాజు, ఎస్‌ హరివర్మ సీఎంకు అందించారు. సీఎంఆర్ఎఫ్కు కృష్ణా జిల్లా సహకార కేంద్ర బ్యాంకు, పీఏసీఎస్, పీడబ్ల్యూసీఎస్ తరఫున 1 కోటి 25 లక్షల 116 రూపాయలు విరాళం అందించారు. కృష్ణా జిల్లా సహకార కేంద్ర బ్యాంకు ఉద్యోగుల తరఫున 5 లక్షల 60 వేల 600 రూపాయలు విరాళం ఇచ్చారు. డీసీసీబీ ఛైర్మన్‌ యార్లగడ్డ వెంకటరావు, మంత్రులు పేర్ని నాని, కురసాల కన్నబాబు చెక్కును సీఎంకు అందించారు.
ఇదీ చదవండి : మూలస్థానం అగ్రహారానికి జాతీయ పురస్కారం
