ఏపీ పోలీసులకు 9 స్కోచ్​ అవార్డులు

స్కోచ్ అవార్డుల్లో ఏపీ పోలీసులు అగ్రస్థానంలో నిలిచారు. వివిధ విభాగాల్లో 9 అవార్డులు గెలుచుకున్నారు. దిల్లీలో జరిగిన అవార్డుల ప్రదానోత్సవంలో డీజీపీ గౌతం సవాంగ్ పాల్గొన్నారు. భవిష్యత్తుల్లోనూ మంచి గుర్తింపు వచ్చేలా పనిచేస్తామన్నారు.

స్కోచ్ అవార్డుల ప్రదానోత్సవంలో ఏపీ పోలీసులకు పలు విభాగాల్లో అవార్డులు దక్కాయి. 9 అవార్డులు సొంతం చేసుకుంది ఏపీ పోలీసు శాఖ. దిల్లీ కాన్​స్టిట్యూషన్​ క్లబ్​లో స్కోచ్​ అవార్డుల ప్రదానోత్సవ కార్యక్రమం జరిగింది. హాజరైన డీజీపీ గౌతం సవాంగ్... స్కోచ్ ఛైర్మన్ సమీర్ కొచ్చర్​ చేతుల మీదుగా అవార్డులు అందుకున్నారు. వారాంతపు సెలవుల వ్యవస్థ, ఉమెన్ జువైనల్ వింగ్, ఫేస్ ట్రాకర్, ప్రేరణ, స్ఫూర్తి, ఇంటిగ్రేటెడ్ సర్వైలెన్స్, పెట్రోలింగ్ సహా పలు విభాగాల్లో అవార్డులు దక్కాయి.

భవిష్యత్తులో మంచి గుర్తింపు వచ్చేలా పనిచేస్తాం: డీజీపీ
పోలీసు శాఖలో తీసుకొచ్చిన మార్పులు గుర్తింపును తెచ్చాయని డీజీపీ గౌతం సవాంగ్ అభిప్రాయపడ్డారు. 9 స్కోచ్ అవార్డులు రావడంపై హర్షం వ్యక్తం చేశారు. దేశంలోనే అత్యధిక అవార్డులతో ఏపీ పోలీసులు అగ్రస్థానంలో నిలవడం సంతోషంగా ఉందన్నారు. ప్రభుత్వం నుంచి అందుతున్న సహకారంతో... సాంకేతికతను ఉపయోగిస్తూ మార్పులు తీసుకురావడం మంచి పరిణామమన్నారు. భవిష్యత్​లోనూ మంచి గుర్తింపు తెచ్చేలా పోలీసు శాఖ పని చేస్తుందని ఆశాభావం వ్యక్తం చేశారు.

ఇదీ చదవండి : బాలుడు కిడ్నాప్... తండ్రే సూత్రధారి..!