ఏబీ వెంకటేశ్వరరావు కేసు: గత ఆదేశాలు మరో 3 వారాలు పొడిగింపు

సీనియర్ ఐపీఎస్ అధికారి ఏబీ వెంకటేశ్వరరావు దాఖలు చేసిన ముందస్తు బెయిల్ పిటిషన్​పై హైకోర్టు విచారణ జరిపింది. ఆయన అరెస్ట్​పై గత విచారణలో ఇచ్చిన మధ్యంతర ఉత్తర్వులను మరో మూడు వారాల పాటు పొడిగించింది.

నిఘా పరికరాల కొనుగోళ్ల వ్యవహారంలో సీనియర్ ఐపీఎస్ అధికారి ఏబీ వెంకటేశ్వరరావు దాఖలు చేసిన ముందస్తు బెయిల్ పిటిషన్​పై హైకోర్టులో విచారణ జరిగింది. ఆయన అరెస్ట్​పై మరో మూడు వారాల పాటు తొందరపడవద్దని పోలీసులను ఆదేశించింది. ఏబీ వెంకటేశ్వరరావు అరెస్ట్​పై రెండు వారాల పాటు తొందరపాటు చర్యలు తీసుకోవద్దని గత విచారణలో హైకోర్టు మధ్యంతర ఉత్తర్వులు ఇచ్చింది. తాజాగా పిటిషన్​పై విచారణ జరిపిన ధర్మాసనం మధ్యంతర ఉత్తర్వులు మూడు వారాల పాటు పొడిగించింది. తదుపరి విచారణను రెండు వారాలకు ధర్మాసనం వాయిదా వేసింది .

ఇదీ చదవండి