రాజధాని రైతులకు కౌలు చెల్లించాలంటూ దాఖలైన పిటిషన్పై హైకోర్టులో విచారణ జరిగింది. ప్రతి ఏడాది రైతులకు కౌలు చెల్లించకుండా ఇబ్బంది పెడుతున్నారని పిటిషనర్ తరపు న్యాయవాది కారుమంచి ఇంద్రనీల్‌ బాబు న్యాయస్థానం దృష్టికి తీసుకువచ్చారు. రైతులకు కౌలు మినహా వేరే ఆదాయం లేదని చెప్పారు. వ్యవసాయం మినహా వేరే వృత్తి రాకపోవటంతో రైతులు ఇబ్బంది పడుతున్నారన్నారు. ప్రతి ఏడాది మే 1 నాటికి కౌలు చెల్లిస్తామని ప్రభుత్వం ఇచ్చిన ఉత్తర్వులను కోర్టు దృష్టికి తీసుకొచ్చారు.
పిటిషనర్ వాదనలు పరిగణలోనికి తీసుకున్న న్యాయస్థానం.. రైతులకు కౌలు ఎప్పటిలోగా చెల్లిస్తారో చెప్పాలని ప్రభుత్వ న్యాయవాదిని ప్రశ్నించింది. ప్రభుత్వాన్ని అడిగి సమాచారం ఇస్తామని ప్రభుత్వ న్యాయవాది న్యాయస్థానానికి తెలిపారు. ఈ అంశంపై పూర్తి వివరాలతో కౌంటర్ వేయాలని ప్రభుత్వాన్ని ఆదేశించిన న్యాయస్థానం.. తదుపరి విచారణను రెండు వారాలకు వాయిదా వేసింది.
ఇవీ చూడండి
