కరోనా ఎఫెక్ట్ : రాష్ట్రంలో రేపట్నుంచి విద్యాసంస్థలకు సెలవులు

రేపట్నుంచి రాష్ట్రంలోని అన్ని విద్యాసంస్థలకు రాష్ట్ర ప్రభుత్వం సెలవులు ప్రకటించింది. విశ్వవిద్యాలయాలు, కళాశాలలు, పాఠశాలలు, కోచింగ్ సెంటర్లతో సహా అన్ని విద్యాసంస్థలకు సెలవులు ప్రకటించింది. అన్ని విద్యా సంస్థలకు సెలవులు ప్రకటించాలని కేంద్ర ప్రభుత్వం ఇప్పటికే రాష్ట్రాలను ఆదేశించిన నేపథ్యంలో ఈ నిర్ణయం తీసుకుంది. కరోనా వ్యాప్తి నిరోధంపై తాడేపల్లి క్యాంపు కార్యాలయంలో సీఎం జగన్ సమీక్ష నిర్వహించారు. కరోనా వైరస్ వ్యాప్తి తీవ్రతను అనుసరించి విద్యాశాఖ, వైద్యశాఖ ఉన్నతాధికారులతో సమీక్ష అనంతరం సీఎం జగన్ ఈ నిర్ణయం తీసుకున్నట్లు సమాచారం. మార్చి 31 నుంచి పదో తరగతి పరీక్షలు యథాతథంగా జరగనున్నట్లు ప్రభుత్వం తెలిపింది.