స్నేహితుడి భార్యతో వివాహేతర సంబంధం పెట్టుకుని స్నేహం అనే పదానికే మచ్చతెచ్చి పెట్టాడు ఓ ఫ్రెండు. నమ్మి ఇంట్లోకి రానిచ్చినందుకు నయవంచన చేశాడు. ఫ్రెండు భార్యపై కన్నేసి ప్రేమ పేరుతో ఆమెకు దగ్గరయ్యాడు. తెలంగాణలోని మేడ్చల్ మల్కాజిగిరి జిల్లా కుత్బుల్లాపూర్కు చెందిన ప్రశాంత్.. తన స్నేహితుడి భార్యపై కన్నేశాడు. 'నిన్ను ప్రేమిస్తున్నానని.. నన్ను ప్రేమించకపోతే చనిపోతాను' అని బెదిరింపులకు పాల్పడ్డాడు. అనంతరం ఆమెపై పలుమార్లు అత్యాచారానికి పాల్పడ్డాడు. విషయం ఎవరికీ చెప్పొద్దంటూ బెదిరింపులకు గురిచేశాడు.
తనకు సినీఫీల్డ్లో పరిచయాలు ఉన్నారని బాధితురాలిని నమ్మించాడు. ఈ క్రమంలో బాధితురాలు ఇటీవల ప్లాట్ అమ్మింది. విషయం తెలిసిన ప్రశాంత్ బాధితురాలితో సన్నిహితంగా ఉంటూ.. మాయమాటలు చెప్పి స్థలం అమ్మగా వచ్చిన డబ్బు రూ.16 లక్షలు తీసుకున్నాడు. అధిక వడ్డీ ఇస్తానని చెప్పాడు. తీసుకున్న డబ్బు ఇవ్వకపోయే సరికి బాధితురాలు ప్రశాంత్ను నిలదీసింది. డబ్బు ఇవ్వకపోగా ఆమెను చంపుతానని బెదిరించాడు. అతని వేధింపులు భరించలేక మహిళ.. బషీర్పేట్ పోలీసులను ఆశ్రయించింది. కేసు నమోదు చేసుకున్న పోలీసులు.. నిందితుడిని అరెస్టు చేసి రిమాండ్కు తరలించారు.
ఇదీ చదవండి:
FD Scam: ఎఫ్డీ స్కాంలో విజయవాడకు చెందిన మరో నిందితురాలు అరెస్ట్
