మూడో దశ ఎన్నికలకు సంబంధించి 579 సర్పంచి స్థానాలు ఏకగ్రీవమైనట్లు రాష్ట్ర ఎన్నికల సంఘం శనివారం ప్రకటించింది. గుంటూరు జిల్లాలో 98, చిత్తూరులో 91, నెల్లూరులో 75, ప్రకాశంలో 62, కడపలో 59, శ్రీకాకుళంలో 45, విజయనగరంలో 37, కృష్ణాలో 29, కర్నూలులో 26, అనంతపురంలో 23, ఉభయ గోదావరి జిల్లాల్లో చెరో 14, విశాఖపట్నం జిల్లాలో 6 సర్పంచి స్థానాలు ఏకగ్రీవమైనట్లు అధికారులు వివరించారు. మిగిలిన 2,640 స్థానాలకు ఈ నెల 17న ఎన్నికలు నిర్వహించనున్నారు. ఇందుకోసం 7,756 మంది పోటీ పడుతున్నారు. ఇదే దశలో 31,516 వార్డు సభ్యుల స్థానాల ఎన్నికలకు నోటిఫికేషన్‌ ఇచ్చారు. వీటిలో 11,732 ఏకగ్రీవమయ్యాయి. మిగిలిన 19,784 స్థానాలకు 43,282 మంది పోటీలో ఉన్నారు.
నాలుగో దశకు 1,08,441 నామినేషన్లు
నాలుగో దశలో నిర్వహించే సర్పంచి, వార్డు సభ్యుల స్థానాలకు 1,08,441 నామినేషన్లు దాఖలైనట్లు ఎన్నికల సంఘం వెల్లడించింది. 3,299 సర్పంచి స్థానాలకు 20,156 నామినేషన్లు వేశారు. 33,434 వార్డు సభ్యుల స్థానాలకు 88,285 నామినేషన్లు దాఖలైనట్లు అధికారులు వివరించారు. ఈ నెల 16న నామినేషన్ల ఉపసంహరణ ప్రక్రియ పూర్తి చేసి మిగిలిన స్థానాలకు 21న పోలింగ్‌ నిర్వహించనున్నారు.
ఇదీ చూడండి. ఎస్ఈసీ ఆదేశాల అమలు నిలిపివేయండి : మంత్రి కొడాలి నాని
