Upcoming Bajaj Two Wheelers In India : భారతదేశంలోని అతిపెద్ద టూ-వీలర్ కంపెనీ బజాజ్ ఆటో 6 సరికొత్త బైక్లను లాంఛ్ చేయడానికి సన్నాహాలు చేస్తోంది. దీని ద్వారా ఇండియన్ మార్కెట్లో తన స్థానాన్ని మరింత సుస్థిరం చేసుకోనేందుకు వ్యూహం రచిస్తోంది.
బజాజ్ ఆటో కంపెనీ.. తమ లేటెస్ట్ పల్సర్ NS400, న్యూ సీఎన్జీ బైక్, పల్సర్ 125, సన్నీ ఈవీ, CT 150X, చేతక్ ఈవీ న్యూ వేరియంట్ బైక్లను వచ్చే ఏడాది నుంచి క్రమంగా లాంఛ్ చేయడానికి ఏర్పాట్లు చేస్తోంది. అందుకే వాటిపై మనమూ ఓ లుక్కేద్దాం.
1. Bajaj Pulsar NS400 Features : బజాజ్ కంపెనీ ఈ సూపర్ పవర్ఫుల్ పల్సర్ ఎన్ఎస్400 బైక్ను 2024లో లాంఛ్ చేయడానికి సన్నాహాలు చేస్తున్నట్లు సమాచారం. డోమినార్400 బైక్లో ఉపయోగించిన 373 సీసీ లిక్విడ్-కూల్డ్ సింగిల్ సిలిండర్ ఇంజిన్నే ఈ బైక్లోనూ అమర్చారు. ఇది 40 bhp పవర్, 35 Nm టార్క్ జనరేట్ చేస్తుంది. పల్సర్ NS200 డిజైన్ ఇన్స్పిరేషన్తో, సరికొత్త షార్ప్ స్టైలింగ్ లుక్తో ఈ పల్సర్ NS400 బైక్ను రూపొందిస్తున్నట్లు తెలుస్తోంది. ధర వివరాలు మాత్రం ఇంకా వెల్లడి కాలేదు.
2. Bajaj CNG Bike Features : బజాజ్ కంపెనీ ఈ సీఎన్జీ బైక్ను Bruzer E101 అనే కోడ్నేమ్తో పిలుస్తోంది. ఎంట్రీ లెవెల్ కమ్యూటర్ సెగ్మెంట్ను టార్గెట్ చేస్తూ ఈ సరికొత్త బైక్ను తీసుకురావడానికి సన్నాహాలు చేస్తోంది. ఈ బైక్ను CT100 లేదా CT110 బైక్ డిజైన్ ఆధారంగా రూపొందిస్తున్నట్లు సమాచారం.
సాధారణంగా సీఎన్జీ కార్లలో బై-ఫ్యూయెల్ సెటప్ ఉంటుంది. అయితే బజాజ్ కంపెనీ తమ CNG బైక్లో.. బై-ఫ్యూయెల్ ట్యాంక్ను అమర్చడం లేదు. కానీ ఈ బైక్లో కచ్చితంగా పెట్రోల్ ట్యాంక్ను కూడా అమర్చే అవకాశం ఉంది. ఎందుకంటే, వాహనదారులు సమీపంలోని CNG స్టేషన్ల వరకు వెళ్లడానికైనా పెట్రోల్ ట్యాంక్ ఉండాల్సిన అవసరం ఉంటుంది. బైక్ ఖర్చులు వీలైనంత వరకు తగ్గించాలని భావించేవారికి ఇది బెస్ట్ ఆప్షన్ అవుతుంది.
3. New Bajaj Pulsar P125 Features : బజాజ్ కంపెనీ పల్సర్ పీ125 బైక్ను టెస్ట్ చేస్తున్న వీడియోలు ఇటీవలే బయటకు వచ్చాయి. ఇది చూడడాని పల్సర్ P150 లానే ఉంది. ఈ బైక్లో 125సీసీ పెట్రోల్ ఇంజిన్ను అమర్చారు. ఇది 11.8 bhp, 10.8 Nm టార్క్ ఉత్పత్తి చేస్తుంది.
4. Bajaj Sunny EV Features : బజాజ్ కంపెనీ తీసుకువచ్చిన లెజెండరీ చేతక్ స్కూటర్లానే.. బజాబ్ సన్నీ ఈవీ కూడా ఉంటుందని సమాచారం. ఈ ఎలక్ట్రిక్ బైక్ ఇటీవలే పుణెలో దర్శనమిచ్చింది. ఈ బైక్ గుండ్రని హెడ్ల్యాంప్, పొడవైన ఫెండర్, స్లిమ్ బాడీలైన్తో చూడడానికి చాలా బాగుంది. ఈ ఎలక్ట్రిక్ బైక్లో హబ్ మౌంటెడ్ మోటార్ను అమర్చినట్లు తెలుస్తోంది. ఈ బజాజ్ ఎలక్ట్రిక్ బైక్ను బహుశా 2024లోనే లాంఛ్ చేసే అవకాశం ఉంది.
5. Bajaj CT 150X Features : బజాజ్ కంపెనీ సరికొత్త సీటీ 150 ఎక్స్ బైక్ను త్వరలో లాంఛ్ చేయడానికి సన్నాహాలు చేస్తోంది. దీనిలోనూ పల్సర్ 150 బైక్లోని ఇంజిన్నే ఉపయోగించారు. ఈ బైక్ ఫీచర్స్, స్పెక్స్, డిజైన్, ధర వివరాలు తెలియాల్సి ఉంది.
6. Bajaj Chetak Electric Features : బజాజ్ చేతక్ ఈవీని 2023 మార్చి నెలలోనే అప్డేట్ చేశారు. త్వరలో దీనిని చేతక్ ప్రీమియం పేరుతో లాంఛ్ చేసే అవకాశం ఉంది. సెప్టెంబర్లో దీనిని టెస్ట్ చేస్తున్నప్పటి కొన్ని ఫొటోలు లీక్ అయ్యాయి. దీని మోటార్ కెపాసిటీ, బ్యాటరీ ప్యాక్ గురించి పూర్తి వివరాలు తెలియాల్సి ఉంది.
అదిరే ఫీచర్లతో రాయల్ ఎన్ఫీల్డ్ హిమాలయన్ 450 లాంఛ్ - ధర ఎంతంటే?
