IPhone 15 Offers : ఐఫోన్ 15 సేల్ శుక్రవారం ఘనంగా ప్రారంభమైంది. ఈ నేపథ్యంలో భారీ సంఖ్యలో ఐఫోన్15 మోడల్ ఫోన్లు అమ్ముడుపోతున్నాయి. ఈ ఫోన్ ప్రారంభ ధర రూ.79,900లుగా ఉంది. గరిష్ఠంగా రూ.1,99,900 ధర వద్ద ఐఫోన్ 15 ప్రో మ్యాక్స్ లభిస్తుంది. అయితే ఈ ఐఫోన్ 15ని కేవలం రూ.31 వేలలోపే సొంతం చేసుకోవచ్చు. అది ఎలాగో ఇప్పుడు తెలుసుకుందాం.
ఇండియా ఐస్టోర్ వెబ్సైట్ ప్రకారం.. ఐఫోన్ 15 (128 జీబీ వేరియంట్) ధర 79,900లుగా ఉంది. హెచ్డీఎఫ్సీ డెబిట్,క్రెడిట్ కార్డ్లపై రూ.5,000 వరకు ఇన్స్టాంట్ క్యాష్బ్యాక్ లభిస్తుంది. దీంతో దీని ధర రూ.74,900 దిగివస్తుంది. అయితే మంచి కండిషన్లో ఉన్న ఐఫోన్ 12 ( 64 జీబీ) మొబైల్ను ఎక్స్ఛేంజ్ చేస్తే.. కేవలం రూ.48,900కే ఐఫోన్ 15 లభిస్తుంది.
ఒకవేళ ఐఫోన్ 13ను కనుక మీరు ఎక్స్ఛేంజ్ చేసినట్లయితే మరింత తక్కువగా ఐఫోన్ 15ను సొంతం చేసుకోవచ్చు. దీని ద్వారా రూ.35,000 లోపే ఐఫోన్ 15 కొనవచ్చు. మరీ ముఖ్యంగా మంచి కండిషన్లో ఉన్న ఫోన్ అయితే.. అదనంగా మరో రూ.6000 వరకు ఎక్స్ఛేంజ్ బోనస్ లభిస్తాయి. దీనితో రూ.31వేలకే ఐఫోన్ 15 మీ సొంతం అవుతుంది.
జోరుగా ఐఫోన్ అమ్మకాలు..
Iphone 15 Series Record Sales :
యాపిల్ కంపెనీ ఐఫోన్ 15 సిరీస్‌ను సెప్టెంబరు 12న ప్రపంచవ్యాప్తంగా విడుదల చేసింది. ఈ ఫోన్ అమ్మకాలను భారత్ సహా ప్రపంచవ్యాప్తంగా సెప్టెంబర్ 22న(శుక్రవారం) ప్రారంభించడం జరిగింది. కాగా, సేల్స్ ప్రారంభించిన మొదటి రోజే ఐఫోన్ 14 సిరీస్ విక్రయాల రికార్డులను.. ఐఫోన్ 15 అధిగమించింది. అమ్మకాలు ప్రారంభించిన మొదటి రోజు నుంచే భారీ సేల్స్ జరిగాయి. ఐఫోన్ 15, ఐఫోన్ 15 ప్లస్ మోడళ్లకు తొలి రోజే మంచి డిమాండ్ ఏర్పడిందని ఇండస్ట్రీ వర్గాలు తెలిపాయి.
ఐఫోన్ 15 ధరలు..
ప్రస్తుతం ఐఫోన్ 15 సిరీస్ ఫోన్లు బ్లూ, బ్లాక్, గ్రీన్, ఎల్లో, పింక్ కలర్ ఆప్షన్స్లో లభిస్తున్నాయి. 128 జీబీ, 256 జీబీ, 512 జీబీ స్టోరేజీ కెపాసిటీతో వచ్చిన ఐఫోన్ 15 ధరలు.. రూ.79,900, రూ.89,90, రూ.1,09,900గా ఉన్నాయి.
ఐఫోన్ 15 ప్రో రేట్స్..
ఐఫోన్ ప్రో సిరీస్ ఫోన్లు.. బ్లూ టైటానియం, బ్లాక్ టైటానియం, వైట్ టైటానియం, నేచురల్ టైటానియం కలర్స్లో వస్తున్నాయి. 128జీబీ, 256జీబీ, 512జీబీ, 1టీబీ స్టోరేజీ కెపాసిటీలో అందుబాటులో ఉన్న ఐఫోన్ 15 ప్రో సిరీస్ మోడల్ ఫోన్లు రూ.1,34,900ల ప్రారంభ ధర నుంచి అందుబాటులో ఉన్నాయి. 1టీబీ స్టోరేజీ కెపాసిటీతో ఉండే ఐఫోన్ 15 ప్రో మ్యాక్స్ ధర భారత్లో రూ.1.99 లక్షలుగా ఉంది.
