స్టాక్మార్కెట్లు మందకొడిగా సాగుతున్నాయి. ఆర్థిక సర్వే రానున్న నేపథ్యంలో విదేశీ-దేశీయ పెట్టుబడిదారులు జాగ్రత్తపడ్డారు.
డిసెంబర్ పారిశ్రామిక ఉత్పత్తి సూచిక(ఐఐపీ) డేటా, జనవరి నెల ద్రవ్యోల్బణ గణాంకాలు విడుదలకానున్న నేపథ్యంలో మదుపరులు అప్రమత్తమయ్యారు.
సెన్సెక్స్ 36 పాయింట్ల స్వల్ప నష్టంతో 36వేల 358 వద్ద కొనసాగుతోంది. నిఫ్టీ 15 పాయిట్ల పతనమై 10వేల 873 వద్ద ట్రేడవుతోంది.
లాభాలు-నష్టాలు...
ఇన్ఫోసిస్, టీసీఎస్, హీరో మోటో కార్ప్, హెచ్సీఎల్ టెక్, యాక్సిస్ బ్యాంక్, బజాజ్ ఆటో సంస్థలు నష్టపోయాయి.
పవర్గ్రిడ్, యస్ బ్యాంక్, సన్ ఫార్మా, వేదాంత, ఓఎన్జీసీ, టాటా స్టీల్, ఎస్బీఐ సంస్థలు లాభపడ్డాయి.
బలపడిన రూపాయి...
వరుసగా ఆరోరోజు రూపాయి బలపడింది. డాలరుతో పోలిస్తే రూపాయి మారకం విలువ 6 పైసలు బలపడి 71.18 వద్ద కొనసాగుతోంది.
