వ్యవస్థలో ద్రవ్య లభ్యతకు కొరత లేకుండా, ఆర్థిక వృద్ధికి కావాల్సిన అన్ని చర్యలు తీసుకునేందుకు సిద్ధంగా ఉన్నామని రిజర్వు బ్యాంక్ గవర్నర్ శక్తికాంత దాస్ తెలిపారు. కొవిడ్ సంక్షోభం నుంచి బయటపడేందుకు అన్ని చర్యలు ఉంటాయని పరిశ్రమ, వ్యాపార వర్గాలకు భరోసా ఇచ్చారు.
పరిశ్రమల విభాగం ఫిక్కీ నిర్వహించిన వీడియో కాన్ఫరెన్స్లో పాల్గొన్న దాస్ ఈ విషయాలు వెల్లడించారు.
దేశ వృద్ధి రేటు ప్రస్తుత ఆర్థిక సంవత్సరం మొదటి త్రైమాసికంలో 23.9 శాతం క్షీణించినట్లు ప్రభుత్వ గణాంకాల్లో తేలిన తర్వాత.. దాస్ ఈ ప్రకటన చేయడం గమనార్హం. వృద్ధి రేటు ఈ స్థాయిలో పతనమైనట్లు వెలువడిన గణాంకాలు.. కరోనా విధ్వంసానికి నిదర్శనమని చెప్పారు దాస్.
వ్యవసాయ రంగ కార్యకలాపాలు, తయారీ రంగ పర్చేజింగ్ మేనేజ్మంట్ ఇండెక్స్ (పీఎంఐ), నిరుద్యోగంపై ప్రైవేటు సంస్థల అంచనాలు ప్రస్తుత సంవత్సరం రెండో త్రైమాసికంలో కొంత స్థిరీకరణను సూచించినట్లు తెలిపారు ఆర్బీఐ గవర్నర్. అయితే సంక్షోభం పూర్తిగా తొలగిపోనందున.. ఆర్థిక వ్యవస్థ క్రమక్రమంగా కోలుకునే అవకాశముందని పేర్కొన్నారు.
వ్యాపారులు, పెట్టుబడిదారులు కూడా కరోనా వల్ల ఏర్పడిన కొత్త అవకాశాలను అందిపుచ్చుకోవాలని దాస్ సూచించారు.
ఇదీ చూడండి:టమాట ధరలకు రెక్కలు- కేజీ రూ.100
