చైనాకు చెందిన ప్రముఖ స్మార్ట్ఫోన్ల తయారీ సంస్థ రియల్మీ భారత్లో ఉద్యోగుల సంఖ్య పెంచుకోవాలని చూస్తోంది. ప్రస్తుతం తాము స్మార్ట్ టూత్‌బ్రష్‌లు, వ్యాక్యూమ్ క్లీనర్లు, స్మార్ట్ లాక్స్‌ వంటి ఇంటర్నెట్ ఆఫ్ థింగ్స్ రూపకల్పనపై దృష్టి సారించినట్లు సంస్థ ఓ ప్రకటనలో తెలిపింది. వీటి తయారీతో పాటు విక్రయ కార్యకలాపాల విస్తరణ కోసం 7,500 మందిని ఈ ఏడాది ఆఖరులోపు నియమించుకుంటామని సంస్థ సీఈఓ మాధవ్ సేథ్ తెలిపారు.
రియల్మీకి ప్రస్తుతం దిల్లీ కార్యాలయంలో 7,500 మంది ఉద్యోగులుండగా.. డిసెంబర్ నాటికి ఈ సంఖ్య 10,000కు పెంచుకోనున్నట్లు మాధవ్ సేథ్ చెప్పారు. వీరితో పాటు మరో 5,000 మందితో టైర్ 4, టైర్ 5 పట్టణాలకు విక్రయ బృందాలను విస్తరిస్తామని వెల్లడించారు.
స్మార్ట్ టీవీ, స్మార్ట్ ఇయర్‌ఫోన్‌, స్మార్ట్ వాచ్‌, స్మార్ట్‌స్పీకర్లు, కార్‌లో వినియోగించుకునే ఛార్జర్లు, బ్యాక్‌ప్యాక్‌లు, స్మార్ట్‌హోం పరికరాలు కూడా ఉత్పత్తి చేస్తామని రియల్మీ తెలిపింది. అయితే స్మార్ట్ఫోన్ల తయరీనే సంస్థ ప్రధాన వ్యాపారంగా ఉంటుందని స్పష్టం చేసింది.
ఇదీ చూడండి:పెట్రోల్ను దాటేసిన డీజిల్.. నేటి ధరలు ఇవే
