సబ్కంప్యాక్ట్ ఎస్యూవీ విభాగంలో టాటా మోటార్స్ మరో కారును మార్కెట్లోకి సోమవారం ప్రవేశపెట్టింది. 'టాటా పంచ్'(tata punch price) పేరుతో అందుబాటులోకి తెచ్చిన ఈ కారు ధర రూ. 5.49 లక్షలు (ఎక్స్షోరూమ్) నుంచి ప్రారంభం అవుతుందని సంస్థ వెల్లడించింది.
సబ్కంప్యాక్ట్ ఎస్యూవీలకు పెరుగుతున్న డిమాండ్ను దృష్టిలో ఉంచుకుని ఈ కారును రూపొందించినట్లు టాటా మోటార్స్ తెలిపింది.
- 1.2 లీటర్ పెట్రోల్ ఇంజిన్తో రూపొందించిన ఈ కారు.. మాన్యువల్, ఆటోమేటిక్ వేరియంట్లలో అందుబాటులోకి రానుంది.
- మాన్యువల్ వేరియంట్లో లీటరుకు 18.97 కిలోమీటర్లు(tata punch mileage).. ఆటోమెటిక్లో లీటరుకు 18.82 కిలోమీటర్ల మైలేజీ వస్తుందని టాటా పేర్కొంది.
- క్రూయిజ్ కంట్రోల్ వంటి డ్రైవ్ మోడ్స్ ఇందులో అందుబాటులో ఉంటాయి.
- ఈ కారుకు 366 లీటర్ల బూట్ స్పేస్ను సంస్థ అందుబాటులోకి తెచ్చింది.
గ్లోబల్ ఎన్సీఏపీ నిర్వహించిన క్రాష్ టెస్ట్లో ఈ కారు 5 స్టార్ సేఫ్టీ రేటింగ్ను సంపాదించింది.
ఇదీ చూడండి : మీ కారు మిమ్మల్ని కాపాడే సూపర్‌ స్టారేనా?
