లక్ష్మీస్ ఎన్టీఆర్ విడుదలను అడ్డుకోండి!

​​​​​​​రామ్‌గోపాల్ వర్మ దర్శకత్వంలో వస్తున్న లక్ష్మీస్ ఎన్టీఆర్ చిత్రం వివాదంలో చిక్కుకుంది. సినిమా విడుదల నిలిపివేయాలని కోరుతూ దిల్లీలో తెదేపా కార్యకర్త దేవీబాబు చౌదరి.. ఈసీని కలిసి ఫిర్యాదు చేశారు. ఈ సినిమా ఏపీలో ఎన్నికలపై ప్రభావం చూపేలా ఉందని ఆరోపించారు.

రామ్‌గోపాల్ వర్మ దర్శకత్వంలో చిత్రీకరణ పూర్తయినలక్ష్మీస్ ఎన్టీఆర్ సినిమా...వివాదంలో చిక్కుకుంది. ఈ చిత్ర విడుదల నిలిపివేయాలని కోరుతూ దిల్లీలో తెదేపా కార్యకర్త దేవీబాబు చౌదరి ఈసీకి ఫిర్యాదు చేశారు. సినిమా.. ఏపీలో ఎన్నికలపై ప్రభావం చూపేలా ఉందని ఆరోపించారు. ఈ నెల 22న విడుదల కానున్న సినిమాను ఆపాలని కోరారు. సినిమాలో సీఎం చంద్రబాబు పాత్రను తప్పుగా చిత్రీకరించారని ఈసీకి ఇచ్చిన ఫిర్యాదులో చెప్పారు. ఎన్నికలు జరగనున్నఏప్రిల్‌ 11 వరకు లక్ష్మీస్ ఎన్టీఆర్ సినిమా విడుదల నిలిపివేయాలని విజ్ఞప్తి చేశారు. ఫిర్యాదు కాపీ స్వీకరించిన కేంద్ర ఎన్నికల సంఘం.. ఆ ప్రతినిరాష్ట్ర ఎన్నికల సంఘ ప్రధాన అధికారికి పంపించింది.