నెల్లూరు జిల్లా అధికారులతో ఈసీ వీడియో కాన్ఫరెన్స్

నెల్లూరు జిల్లా కోవూరు, సూళ్లూరుపేట నియోజకవర్గాల పరిధిలోని 41, 197 పోలింగ్ కేంద్రాల్లో ఈనెల 6న జరిగే రీపోలింగ్​ను సమర్థవంతంగా నిర్వహించాలని ఈసీ గోపాలకృష్ణ ద్వివేది ఆదేశాలు జారీ చేశారు.

గతంలో జరిగిన లోపాలు పునరావృతం కాకుండా పటిష్ఠ చర్యలు చేపట్టాలని జిల్లా అధికారులను ఆదేశించారు. ఎటువంటి అవాంఛనీయ ఘటనలు తలెత్తకుండా భద్రత చర్యలు తీసుకొవాలన్నారు. రీపోలింగ్​కు అవసరమైన అన్ని ఏర్పాట్లు పూర్తి చేయాలని ద్వివేది అన్నారు.

రీపోలింగ్ ఏర్పాట్లపై నెల్లూరు జిల్లా అధికారులతో ద్వివేది వీడియో కాన్ఫరెన్స్ నిర్వహించారు. ఈ సమావేశంలో జిల్లా కలెక్టర్ ముత్యాలరాజు, ఎస్పీ ఐశ్వర్య రస్తోగి, జాయింట్ కలెక్టర్ వెట్రి సెల్విలు పాల్గొన్నారు. పోలింగ్ కేంద్రాల్లో చేస్తున్న ఏర్పాట్లను ఆయన అడిగి తెలుసుకున్నారు. రీ పోలింగ్ ప్రక్రియను వెబ్ క్యాస్టింగ్ చేయాలని సూచించారు.

ఇవీ చూడండి : పోలింగ్​ సరళిపై.. రేపటి నుంచి తెదేపా సమీక్షలు