ఉత్తర్ప్రదేశ్లో దారుణ ఘటన జరిగింది. ఇంటి సమీపంలోని చెట్టును తొలగించటంపై అన్నదమ్ముల మధ్య చెలరేగింది. దీంతో ఆగ్రహానికి గురైన తమ్ముడు.. కత్తితో అన్ననే హతమార్చాడు. దీంతో అతడిని పోలీసులు అరెస్టు చేశారు.
ఇదీ జరిగింది..: "బారాబంకీలోని హుస్సేన్పుర్ గ్రామంలో ఈ దారుణం జరిగింది. తన ఇంటికి సమీపంలోని ఓ చెట్టును తొలగించే క్రమంలో తన తమ్ముడు రాజేంద్రను అడ్డుకున్నాడు నైమిలాల్. దీంతో ఇద్దరి మధ్య వాగ్వాదం జరిగింది. ఈ క్రమంలోనే నైమిలాల్పై కత్తితో దాడి చేశాడు రాజేంద్ర." అని పోలీసులు తెలిపారు. బాధితుడిని ఆస్పత్రికి తరలించగా, అతడు అక్కడే ప్రాణాలు విడిచాడు. దీంతో రాజేంద్రను అరెస్టు చేశారు పోలీసులు.
సోదరుని పెళ్లికి వెళ్లేందుకు డబ్బివ్వలేదని..: యూపీలోనే మరో దారుణం వెలుగులోకి వచ్చింది. భర్తపై కోపంతో ఇద్దరు చిన్నారులతో పాటు కదులుతున్న రైలు ముందు దూకేసింది ఓ మహిళ. మోతీగంజ్ పోలీస్ స్టేషన్ పరిధిలోని గోండా-గోరఖ్పుర్ మార్గంలో ఆదివారం ఈ ఘటన జరిగింది. తన సోదరుడి వివాహానికి వెళ్లేందుకు భర్త రాకపోవడం సహా డబ్బులు ఇవ్వకపోవడమే అందుకు కారణంగా తెలుస్తోంది. ఆమెను తన పుట్టింటికీ వెళ్లనిచ్చేవారు కాదని సమాచారం.
బోరుబావిలో పడి..: తన ఏడో పుట్టినరోజుకు ఒకరోజు ముందే బోరుబావిలో పడి చిన్నారి చనిపోయింది. ఈ విషాద ఘటన యూపీలోని బరేలీలో ఆదివారం చోటుచేసుకుంది. ఆ చిన్నారి తల్లి ఓ పోలీస్ కానిస్టేబుల్. చిన్నారి కోసం వెతుకుతున్న క్రమంలో 15 అడుగుల బోరుబావిలో కనపడింది. సోమవారం ఆ పాపకు ఏడేళ్లు వస్తాయని స్థానికులు చెప్పారు.
ఇదీ చూడండి: షవర్మా తిని విద్యార్థిని మృతి.. ఆస్పత్రిలో మరో 18 మంది
