ఉత్తర్ప్రదేశ్.. బాందాలో ఘోర రోడ్డు ప్రమాదం జరిగింది. రెండు కార్లు పరస్పరం ఢీకొన్నాయి. ఈ ప్రమాదంలో ఐదుగురు మరణించారు. మరో ఆరుగురు గాయపడ్డారు. మృతులందరూ పెళ్లికి వెళ్లి వస్తుండగా పప్రేండా రోడ్డులో బుధవారం జరిగిందీ దుర్ఘటన. పోలీసులు ఘటనాస్థలికి చేరుకుని క్షతగాత్రులను ఆస్పత్రికి తరలించారు.
చిత్రకూట్‌లోని రాజాపుర్‌లో జరిగిన ఒకే పెళ్లికి వస్తున్న రెండు యస్యూవీ కార్లు పరస్పరం ఢీకొన్నాయని పోలీసులు తెలిపారు. క్షతగాత్రులను ట్రామా సెంటర్కు తరలించామని వెల్లడించారు. మృతులు, క్షతగాత్రులు పైలాని పోలీస్ స్టేషన్ పరిధిలోని నివైచ్, పిపర్‌హరి గ్రామాలకు చెందినవారని చెప్పారు. మృతదేహాలను పోస్టుమార్టం నిమిత్తం ప్రభుత్వాసుపత్రికి తరలించామని.. గురువారం సాయంత్రం వారి కుటుంబసభ్యులకు అప్పగిస్తామని తెలిపారు.
గుజరాత్లో ఏడుగురు..
మరోవైపు గుజరాత్.. పటాన్లో ఘోర రోడ్డు ప్రమాదం జరిగింది. ఓ ట్రక్కును జీపు ఢీకొట్టింది. ఈ దుర్ఘటనలో ఏడుగురు మరణించారు. కేసు నమోదు చేసుకున్నట్లు పోలీసులు దర్యాప్తు చేస్తున్నట్లు వెల్లడించారు.
