Ramadan 2022: ముస్లింలు అత్యంత పవిత్రంగా జరుపుకునే రంజాన్ మాసం నేడు ప్రారంభమైంది. ఈ సందర్భంగా ముస్లింలకు ప్రధాని నరేంద్ర మోదీ రంజాన్ శుభాకాంక్షలు తెలిపారు. ఈ పవిత్ర మాసం పేదలకు సేవ చేసేలా ప్రజల్లో స్ఫూర్తిని కలిగించాలని కోరుకున్నారు. సమాజంలో శాంతి, సామరస్యం, కరుణ పెంపొందాలని ఆకాంక్షించారు. దేశంలో ఆదివారం నుంచి రంజాన్ నెల ప్రారంభమైంది. ముస్లింలంతా ఉపవాస దీక్షలు ప్రారంభించారు. శనివారం సాయంత్రం చంద్రుడు కనిపించాడని, ఆదివారం నుంచి ఉపవాస దీక్షలు ప్రారంభమవుతాయని ఫతేపుర్ మసీదు ఇమామ్ ముప్తీ ముఖర్రం అహ్మద్ తెలిపారు.
ఉత్తరప్రదేశ్, తమిళనాడు, బంగాల్ వంటి రాష్ట్రాల్లోని వివిధ ఇస్లాం సంస్థలు కూడా రంజాన్ మాసం ఆదివారం ప్రారంభమవుతుందని ప్రకటించాయి. దీంతో మసీదుల్లో ప్రత్యేక ప్రార్థనలకు ఏర్పాట్లు జరుగుతున్నాయి. రంజాన్ మాసంలో ముస్లిం భక్తిశ్రద్దలతో నెలరోజులపాటు కఠోర దీక్షతో ఉపవాసాలు ఉంటారు. తెల్లవారుజామున 4 గంటల 46 నిమిషాలకు సహర్తో ప్రారంభమై.. సాయంత్రం 6 గంటల 34 నిమిషాలకు ఇఫ్తార్‌తో ఉపవాస దీక్ష ముగుస్తుంది. మళ్లీ ఇదే విధంగా.. సమయంలో కొద్దిపాటి మార్పులతో నెలరోజులపాటు దీక్షను పాటిస్తారు.
ఇదీ చదవండి: చెత్త, పాత బట్టలే ఈ అమ్మవారికి కానుకల
