PNB SO recruitment 2022: పంజాబ్ నేషనల్ బ్యాంకులో స్పెషలిస్ట్ ఆఫీసర్(ఎస్ఓ) ఉద్యోగాల భర్తీకి నోటిఫికేషన్ వెలువడింది. 145 ఖాళీలను ఇందులో భర్తీ చేయనుంది. మేనేజర్లు, సీనియర్ మేనేజర్లను నియమించుకోనుంది ఈ బ్యాంకు. ఖాళీల వివరాలు, ముఖ్యమైన తేదీలు, దరఖాస్తు ఎలా చేసుకోవాలో ఇప్పుడు చూద్దాం..
PNB job vacancy 2022
మొత్తం ఖాళీలు- 145
*మేనేజర్ (రిస్క్)- 40
*మేనేజర్ క్రెడిట్- 100
*సీనియర్ మేనేజర్(ట్రెజరీ)- 5
ముఖ్యమైన తేదీలు
*ఆన్లైన్ దరఖాస్తుల స్వీకరణ ప్రారంభం- ఏప్రిల్ 22
*దరఖాస్తుల సమర్పణకు చివరి తేదీ- మే 7
*పరీక్ష నిర్వహించే తేదీ- జూన్ 12
వేతనం ఇలా..
*రిస్క్ మేనేజర్, క్రెడిట్ మేనేజర్- రూ.48,170 నుంచి రూ.69,810 మధ్య
*సీనియర్ మేనేజర్- రూ.63,840 నుంచి రూ.78230 మధ్య
అర్హతలు
ఐసీఏఐ నుంచి ఛార్టర్డ్ అకౌంటెన్సీ పూర్తి చేసి ఉండాలి. లేదా కాస్ట్ మేనేజ్మెంట్ అకౌంటెంట్ పూర్తి చేసిన వారు ఈ ఉద్యోగానికి అర్హులు. లేదా 60 శాతం మార్కులతో ఎంబీఏ, రెండేళ్ల పీజీ(ఫైనాన్స్) పాస్ అయి ఉండాలి. వీటితో పాటు నోటిఫికేషన్లో పేర్కొన్న మరిన్ని విద్యార్హతలు గమనించాలి. సంబంధిత రంగంలో 1-3 ఏళ్ల పాటు పనిచేసిన అనుభవం కూడా ఉండాలని నోటిఫికేషన్లో పేర్కొన్నారు.
వయసు (2022 జనవరి 1 నాటికి)
*క్రెడిట్ మేనేజర్, రిస్క్ మేనేజర్- 25-35 ఏళ్ల మధ్య ఉండాలి.
*సీనియర్ మేనేజర్- 25- 37 ఏళ్ల మధ్య ఉండాలి.
