అయోధ్యలో చారిత్రక రామమందిర నిర్మాణాన్ని ప్రజలు త్వరలోనే ప్రత్యక్షంగా వీక్షించవచ్చు. పునాది పనులు పూర్తయ్యాక ఈ మేరకు ఏర్పాట్లు చేసే ఆలోచనలో ఉన్నట్లు శ్రీరామ జన్మభూమి తీర్థక్షేత్ర ట్రస్టు ప్రతినిధి ప్రకాశ్ గుప్తా తెలిపారు. ఈటీవీ భారత్తో ఆయన ప్రత్యేకంగా మాట్లాడారు. ప్రస్తుతం పునాది పనులు జరుగుతున్నాయని.. 100 మీటర్ల లోతు, 1200 స్తంభాలతో దీన్ని పూర్తి చేసేందుకు సమయం పడుతుందని చెప్పారు.
ప్రకాశ్ గుప్తా, రామ మందిర తీర్థక్షేత్ర ట్రస్టు ప్రతినిధి
ఆలయ పునాది నిర్మాణం పూర్తైన తరువాత ప్రజలు కళ్లారా రామమందిర నిర్మాణం తిలకించవచ్చు. దీని కోసం ఆలయానికి కొద్ది దూరంలో ఓ వేదికను నిర్మిస్తాం. ఇది జరగడానికి ఇంకో ఏడాది సమయం పట్టొచ్చు. కానీ ప్రజలు కళ్లెదురుగా రామాలయ కట్టడం జరుగుతుంది.
-ప్రకాశ్ గుప్తా, రామ మందిర తీర్థక్షేత్ర ట్రస్టు ప్రతినిధి
