New Virus India: ఇటీవల వెలుగు చూసిన కరోనా కొత్త వైరస్ నియోకొవ్తో ప్రపంచ దేశాలు ఆందోళన వ్యక్తం చేస్తున్నాయి. అయితే దీనితో భారత్కు ఎటువంటి ముప్పు లేదని చెప్తున్నారు శాస్త్రవేత్తలు. ఈటీవీ భారత్తో మాట్లాడిన ఇన్స్టిట్యూట్ ఆఫ్ జీనోమిక్స్ అండ్ ఇంటిగ్రేటివ్ బయాలజీ శాస్త్రవేత్త వినోద్ స్కేరియా ఈ విషయాన్ని చెప్పారు.
నియోకొవ్ కొత్త వేరియంట్ కాదని.. ఇది గబ్బిలాల నుంచి ఉద్భవించిందని తెలిపారు. అయితే దీనికి మానవులకు సోకే లక్షణం లేదని వినోద్ పేర్కొన్నారు. జంతువుల నుంచి మానవులకు సోకే ఘటనలు చాలా అరుదని అన్నారు. నియోకొవ్ అనేది తొలిసారిగా నియోరోమిసియా అని పిలిచే గబ్బిలాల జాతిలో గుర్తించినట్లు గుర్తుచేశారు. దీని జన్యువు ఎంఈఆర్ఎస్-సీఓవీను (MERS-CoV) పోలి ఉంటుందని పేర్కొన్నారు. ప్రస్తుతం ఇది జంతువుల్లో మాత్రమే వ్యాప్తి చెందుతున్నట్లు చెప్పుకొచ్చారు.
ఇది జంతువుల నుంచి మానవులకు వ్యాప్తి చెందే అంశంపై మరింత పరిశోధనలు జరగాల్సి ఉందని వినోద్ అన్నారు. జీనోమ్ సీక్వెన్సింగ్లో మానవులతో పాటు జంతువుల వైరస్ స్పెక్ట్రమ్లను అర్థం ముందుగా ఆర్థం చేసుకోవాల్సి ఉందని తెలిపారు.
ఒక్క మ్యుటేషన్తో..
అయితే ఇందులోని ఓ మ్యుటేషన్ కారణంగా వైరస్ జంతువుల నుంచి మనుషులకు సోకే ప్రమాదం ఉందని వుహాన్ శాస్త్రవేత్తల అధ్యయనంలో తేలింది. సార్స్‌ - కొవ్ - 2 మాదిరిగా వేగంగా మనుషులకు సోకే ప్రమాదం ఉందని శాస్త్రవేత్తలు అంటున్నారు. వైరస్ సోకిన ప్రతి ముగ్గురిలో ఒకరు చనిపోయే ముప్పు ఉందని అంచనా వేశారు.
'నియో కోవ్‌' వైరస్‌కు.. గబ్బిలాల్లోని యాంజియోటెన్సిన్‌ - కన్వర్టింగ్‌ ఎంజైమ్‌ (ACE2) ప్రభావవంతగా వాడుకొంటుంది. దీనితో పోలిస్తే మనుషుల్లోని ACE2ను ఏమార్చి శరీరంలోకి ప్రవేశించే సామర్థ్యం కొంత తక్కువగా ఉన్నట్లు శాస్త్రవేత్తలు గుర్తించారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: కేరళలో తగ్గని కరోనా ఉద్ధృతి.. మరో 50వేల మందికి వైరస్
